429. De sancto Simpliciano.

1. Summi vatis praeconium
Simpliciani canimus,
Qui vitae cursum explicans
Confessor Dei exstitit.

2. Hunc sacer ille praecessor
Insignivit Ambrosius,
Vicarium sedis dignum
Praedixit tunc oraculo.

3. O quam felix successio,
Praeclara tunc haereditas
Signifera missa voce
Trinis modis distinctio.

4. Laetus pastor grandaevus
Sed licet simplex moribus,
Sanctitatis comes fuit
Ab annis puerilibus.

5. Doctrina potens claruit
Toto orbe notissimus
Multa tractans divina
Ingentia volumina.

6. Augustinus scriptis pulsat,
Ut agitet ingenium,
Quaestionum ludit forma
Epistolari problema.

7. Verbum Dei fructificans
In populorum cordibus,
Praelatus Romae habitus
Praedicator egregius.

8. Multitudo innumera
Per eum baptizata est,
Quos inter rhetor famosus
Et Victorinus credidit.

9. Ecclesiae arce pollens

Hanc aulam Christo condidit,
Ambrosius mittens caecum
Hunc Dalmatino litore.

10. Ocius ille venit,

Lumen recepit eminus
Sisinii martyrii
Meritis et Alexandri.

11. Gloria tibi, Domine.