Sacra Congregatio Rituum 485

turpe lucrum ex servorum commercio amiserant, in eam concitavi t.

Quare factum est ut ei calumnias seu apud civilem seu apud ecclesiasticas

potestates illi ita sumerent, ut gravissimis ipsa subiecta fuerit poenis,

quas, Deo confisa, diu patienterque sustinuit, quin contra detractores aut

persequentes amarum verbum promeret. Eius innocentiam Apostolicus

Nuntius parisiensis, aliique non pauci Episcopi insignesque viri reco-

gnoverunt.

Porro fortissima baec mulier, quae ad ardua quaeque pro Deo susci-

pienda generosum animum semper intendit, quae pro Christi regno

dilatando tam magna facere et pati, Deo adiuvante, potuit, suarum

splendore virtutum suisque bene gestis et Ecclesiae et patriae nobile

decus extitit.

Laboribus doloribusque fracta, morientium sacramentis refecta, Pa-

risiis, die 15 iulii mensis a. D. 1851, spiritum Deo pientissime reddidit.

Sanctitatis fama, qua dum viveret Venerabilis fruebatur, in dies

crevit. Quare, vix licuit, ab anno 1897 ad 1900 cum Parisiis tum in

Curia Portus Principis, Ordinaria auctoritate constructi sunt de hac

re processus. Super scriptis a S. E. C. die 13 martii a. 1907 editum

est decretum. Pius X s. m. die 13 februarii a. 1908 Commissionem Intro-

ductionis Causae sua manu obsignavit. Die 10 februarii sequentis anni

S. C. edixit Constare de cultu numquam praestito. Apostolicae Inquisi-

tiones in iisdem Curiis peractae sunt seu super virtutibus seu super fama

sanctitatis, de qua favorabile decretum die 8 iulii a. 1914 fuit editum.

Pro iuridica omnium processum vi S. R. C. die 23 iulii a. 1926 decrevit.

Hisce praeiactis, antepraeparatoria Congregatio die 2 decembris a. 1930

coram Revmo Cardinali Ianuario Granito Pignatelli di Belmonte, Epi-

scopo Ostien. et Albanen., Causae Ponente seu Relatore, habita est,

cui praeparatoria die 5 maii elapsi anni successit. Generalis denique

coram Ssmo D. N. Pio Papa XI die 11 mensis huius coacta est. In qua

idem Revmus Cardinalis Relator dubium proposuit disceptandum: An.

constet de virtutibus theologalibus Fide, Spe, Caritate tum in Deum

cum in proximum, nec non de cardinalibus Prudentia, iustitia, Tempe-

rantia, Fortitudine, earumque adnexis, in gradu heroico, in casu et ad

effectum de quo agitur. Revmi Cardinales, Officiales Praelati, Patres

Consultores sua edidere suffragia quae Beatissimus Pater attento animo

excepit. Ut autem in re tanti momenti maius divinum lumen impetraret,

praesentes est cohortatus ut preces ad hoc obtinendum una secum eff un-

derent.

Suam autem sententiam hac die pandere statuit, sollemnitati Sacra-

tissimi Corporis Christi sacra : ideoque ad Se accivit Revmos Cardinales