ENGOLISMÉN. 4 8 ö

sum locum nunquam habuisse , idque ob adversos conatus, quibus viri petitionibus semper et contumaciter restitit mu- lier. Haec autem omnia, ut acta processus legenti patebit, talibus verbis exposuit vir, quae veritatis characteres omnino praeseferant, et omnem dubitandi locum evidentissime ex- cludant.

Et iure quidem; testes enim omnes quos vocant, septi- mae manus, de viri veracitate plenissimum testimonium di- cunt ; ita ut ne unus quidem adfuerit, qui illam vel saltem in dubium revocandam putaverit. Et notandum quod cum inter testes duo Parochi inveniantur, scilicet Archipresbyter Berbecillensis , et Curatus Castri novi , hi nedum de v i r i , sed etiam de aliorum testium veracitate testimonium dixe- runt, aientes, omnes quidem commendabiles esse, quosdam vero inter ipsos speciali religione ac pietate fulgere.

Et parum esset, testes Actoris veracitatem iuramento af- firmare, si de facto ipso non sequutae consummationis testi- monium non dicerent. Atqui contrarium omnino accidit; te- stes enim omnes ex parte viri uno ore, matrimonium haud consummatum affirmant, asserentes se id didicisse vel ab ipso viro, tempore non suspecto, scilicet ante et immediate post coniugum separationem; vel a quadam fide digna mu- liere, quae tunc temporis ut familiaris degebat apud Coniu- ges ipsos; vel denique a publica fama, cum factum notorium esset etiam quoad speciales circumstantias ; ita ut cordatorum hominum admirationem excitaret, uti accidit Archipresbytero Berbecillensi, qui factum et circumstantias apud omnes per- vulgatas invenit ab ipso primo in sui Paroeciam ingressu. Quo igitur iure dubitari poterit de facto non sequutae con- summationis, quando illud , interposita iuramenti religione, et vir probus fatetur, et testes deponunt omni exceptione maiores?

Et siquidem dubitari posset, iam in promptu essent tot et talia adminicula, quae ad facti veritatem evincendam per se sola sufficerent, imo redundarent. Coniuges sequamur, dum ex Ecclesia redeuntes , statim post celebratum matri-