486 Parochialis

« hoc ut nuncium mittat paroeciae; quo termino inutiliter ela-

« pso sciat processum iri ad ulteriora ».

Episcopus referens Parochum noluisse paroeciae nuncium

mittere; petiit ut sibi concederetur praetermittere concursum,

quatenus parochus ille esset removendus, et novum ponere

parochum, summa praeditum prudentia, ad lites omnes sedan-

das inter paroecianos exortas.

Disceptatio syn optica.

P A R O C H I D E F E N S I O . Quum defensor plurima adduxisset argu-

menta ad ostendendam parochi pietatem, zelum et populi sui

amorem ; meritum causae aggrediens, sequentibus rationum

momentis, decretum Curiae infirmandum contendit.

Et primo ex defectu formae; nam ex eo quod suspensionis

inflictio secumferre solet infamiam, ideo servanda omnino est

forma ad hoc, a iure praescripta. Quae forma in hoc consi-

stit ut suspensionis sententia in scriptis proferatur a Iudice,

qui etiam conscribere debet causam propter quam suspensio

lata fuit, ita ut iudex eamdem suspenso tradere teneatur infra

mensem si fuerit requisitus, Cap. i Decret, in 6, lib. 5 et

Gloss, ibi, Van-Espen in ius Eccles, par. 3 tit. 2 De poen.

et cens. Eccles., num. 17. Debet insuper Iudex praesumptum

reum audire, ut semet tueri possit, cum nemo indefensus

damnetur omnis clamat lex. Haec tamen omnia posthabita

fuere in prolatione decreti ; et ideo decretum eiusdem sustineri

nequit.

Praeterea iniustitia decreti illius augetur, quia per illud

non quaevis suspensio lata fuit, sed ad beneficii parochialis

privationem deventum est, omissis omnibus quae a SS. Cano-

nibus praescribuntur. Ut ad beneficii parochialis privationem

deveniri possit, oportet ut Parochus gravissimi criminis reus

plene evincatur, quod secumferat privationis poenam ; quo

extante crimine et rite probato, trina monitio ac solemnis et

formalis processus praecedat necesse est. Cap. Conquerente 7