486 ENGOLISMEN.

monium, propriam repetunt domum, cum parentibus et amicis epulaturi. Nescio quo fato , audit mulier nolle virum suum in coniugalem domum recipere iuvenem quamdam, quam ipsa vehementissimo diligebat affectu. Haec audiens ira exarde- scit, virum adit, et, furore magis quam verbis alloquens, nisi puellam in domum recipiat, se infra octo dies separationem petituram minatur. Renuit vir et iure quidem , ne scilicet familiare bonum periclitaretur. Sed eheu miser ! ibi discor- diarum invenit originem, ubi pacem se inventurum sperabat.

Nil igitur mirum , si prima nuptiarum nocte , cum vir debitum peteret, illum non amplexibus , sed morsibus rece- perit indignata mulier, et ita eiusdem petitionibus obstiterit, ut thalamum relinquere , et noctem in sella ducere vel in- humana coegerit. Factum deposuerunt, inter alios, testes qui in ipsa coniugali domo manebant, et, ut ita dicam, de visu, quia morsuum cicatrices propriis oculis adspexerunt. Et ita quidem viginti illis diebus , quibus coniuges simul perman- serunt. Quo tempore ita abfuit animorum concordia, ut mu- lier vel per fenestram e domo exire tentaverit.

Nec satis; peracta enim separatione, mulier tribus vici- bus viri domum repetiit, non alia de causa , nisi ut virum callide cogeret ad talia perficienda , quibus ipsa uti posset apud laicos Iudices ad obtinendam separationis sententiam. Hinc scimus mulierem conspuisse virum, virum colaphis cae- disse mulierem, et eorum animos ita fuisse interdum com- motos, ut ipsos urbanos milites coegerint adesse, qui mulie- rem e domo expellendam putarunt. Hos, hos igitur Coniu- ges, inter se aliquando convenisse putabimus ?

At quid immoror talia enarrando, cum ipsa mulier, licet nolens, argumenta evidentissima praebeat ad factum e vin- cendum non sequutae consummationis ? Scire oportet, mu- lierem aliquando adiisse R. P. D. Episcopum, ut solutionem peteret matrimonii sui, asserens et affirmans illud etsi ra- tum , numquam tamen cum viro suo consummatum fuisse. Quod si postea, mutato animo , nedum a solutione petenda recessit, sed insuper se contumacem reddidit, cum, instante