Acta Pii Pp. XII 4 8 7

et obligationibus teneri par est, quibus omnes hac dignitate exornati

viri per orbem. Cum vero oporteat unamquamque Sedem episcopalem

alicui Metropoli esse suffraganeam, hanc, quam condidimus, Tokiensi

Ecclesiae subici volumus; cuius item Archiepiscopo Metropolitae Epi-

scopum Kagoshimaensem esse obnoxium, sive primus sit, sive quilibet

de serie. Qui sacrorum Antistes sedem et domicilium in urbe Kagoshima

habebit, cathedram vero in principe civitatis templo. Ut autem coetum

habeat Episcopus sacerdotum qui prompto animo dataque opera sibi

assistant in gravioribus negotiis decernendis et explendis, Canonicorum

Collegium condat; quod si rerum difficultate impediatur, Consultores

dioecesanos ad iuris normam eligat, quibus utatur, Curet praeterea idem

venerabilis Praesul ut in suo territorio seminarium saltem elementarium

exstruatur : quoadusque tamen id fiat, qui pueri Spiritus Sancti instinctu

sacerdotii adipiscendi voluntatem ostenderint, eos in seminarium minus

de Fukuoka educandos mittat. Mensam episcopalem, quae dicitur, ea

bona constituent quae sive Praefecturae Apostolicae de Kagoshima

erant, sive Curiae obvenient, sive fideles christiani dabunt, sublevandis

Ecclesiae necessitatibus, sive denique S. Congregatio Fidei Propagan-

dae mittere solet. Quae vel ad Vicarii Capitularis electionem pertinent,

Sede vacante, vel ad regimen et administrationem dioecesis, vel ad cleri

et populi iura et onera, haec omnia Iure Canonico regantur. Quae his

Litteris mandavimus exsequenda curabit venerabilis Frater Maximi-

lianus de Furstenberg, quem memoravimus, cui omnes potestates agen-

dae rei facimus ; has vero poterit cuivis viro subdelegare, dummodo sit

hic in ecclesiastica dignitate constitutus. Cum vero negotium peractum

fuerit, curabit idem venerabilis Frater ut actae rei documenta exarentur

eorumque exemplum ad S. Congregationem de Propaganda Fide quam

primum mittatur. Quod si acciderit ut eo tempore quo haec decreta

ad exitum deducentur alius eidem Internuntiaturae in Iaponia praesit,

huic eadem mandata damus easdemque potestates facimus. Has vero

Litteras nunc et in posterum efficaces esse et fore volumus ; ita quidem

ut quae per eas decreta sunt ab iis quorum res est religiose serventur,

atque igitur vim suam obtineant. Quarum Litterarum efficacitati nulla,

cuiusvis generis, contraria praescripta officere poterunt, cum per has

Litteras iisdem derogemus omnibus. Quapropter si quis, quavis prae-

ditus auctoritate, sive sciens sive insciens contra egerit ac Nos ediximus,

id prorsus irritum atque inane haberi iubemus. Nemini praeterea haec

voluntatis Nostrae documenta vel scindere vel corrumpere liceat; quin

immo harum Litterarum exemplis et locis, sive typis impressis sive