VARSAVIEN. 487

difficillimum sit in his casibus perpetuitatem impotentiae probare, quin tempus teramus, totius est statim amplecti viam faciliorem et securiorem dispensationis matrimonii rati et non consummati, praesertim cum modo propitia sese of- fert circumstantia quod nec mulier novas inierit nuptias, nec vir matrimonium attentaverit.

Quare ad propositum dubium mihi videtur respondendum esse : Providebitur in secundo.

Ad II Dubium: ut affirmative responderi possit, duo requiruntur, sc. et quod causae pro dispensatione adsint ; et quod inconsummatio certe probetur.

Iamvero 1. quoad causas; praeter 1) impotentiam sal- tem valde probabilem, habetur 2) animorum dissociatio, et, quod potissimum est, 3) impedimentum mixtae religionis; vir enim est catholicus et mulier augustanam profitetur confessionem, quin, uti videtur, dispensatio concessa fuerit cum matrimonium contractum primo fuerit imo benedictum in templo pro testan tico et deinde in ecclesia parochiali viri. Tandem 4), praetereunda haud sunt duo gravia motiva quae ab ipso Carolo in supplici ad Summum Pontificem libello afferuntur quoad animae salutem et corporis sanitatem.

2. Quoad inconsummationem ; duplex distingui debet periodus, sc. ab initis nuptiis usque ad prolationem senten- tiae nullitatis, et ab hac usque ad praesentem diem.

Atqui quoad priorem periodum omnino certo ad normam Benedictinae Const. Dei miseratione et Inst. S. Cong. C. 22 Aug. 1840, inconsummatio iuridice probata fuit penes Curiam Varsaviensem in causa nullitatis matrimonii ex ca- pite impotentiae.

Uterque coniux sub iuramenti fide de inconsummatione testatus est, eorumque testimonium ex septimae manus te- stimonio corroboratum fuit, adductis octo testibus ex utra- que parte, in totum 16 testibus.

Inspectione peracta corporis Mariae cum omnibus cautelis ab Inst. S. C. C. praescriptis, eadem reperta fuit virgo a tribus obstetricibus ab ipsa Curia designatis, quarum iudi-