PARISIEN. 487

criminibus se maculavit, ob quae tertio iam poenas subit in Caiennam relegatus. De muliere quid sentiendum sit, et quanti eius attestatio facienda non liquet. Desiderantur enim testes septimae manus, qui de eius veracitate testimonium dixerint. Nam praeter Parochos et Vicarios, qui circa fa- ctum delegationis testimonium dixerunt, quatuor tantum testes fuerunt inducti, qui de veracitate mulieris nullimode sunt interrogati. Et quamvis dici non possit, mulierem esse mendacem, adiuncta tamen non ea sunt, quae illi omnimo- dam fidem acquirant. Ex ea enim est familia, quae chri- stianam vitam non ducebat ; mater a marito suo separata concubinarie cum alio vivebat; imo ipsa Martha, ut erui- tur ex actis, probabiliter ex adulterio a matre concepta est.

Quare videndum nunc, utrum ex alio capite erui ali- quid possit ad diiudicandum de valore aut nullitate istius matrimonii.

Ad hoc autem quam maxime inserviret attestatio R. Dñi Skrimshire, qui celebrationi matrimonii adstitit. Sed Sa- cerdos iste scrupulis adeo laborat, ut parochiam suam de- reliquerit, et in monasterium quoddam, ut fertur, se rece- perit. Imo ipsum locum, quo confugit, omnibus ignotum vo- luit, uni sacerdoti amico illud aperiens. Porro sacerdos iste, antequam Parochiam dereliquerit, interrogatus a Rñdo D. Johnson Canonico Secretario Curiae Westmonasteriensis reposuit, se per Curiam Archiepiscopalem Westmonasterien- sem accepisse a Curia Parisiensi delegationem ad matrimo- nium hoc celebrandum. At postea per litteras ab eodem R. D. Johnson interrogatus iterum circa matrimonium de quo agitur, non solum ea, quae prius dixerat, confirmare noluit, fassus se tunc « declarasse circumstantias, quae actu per- tinebant ad alias nuptias , quae pariter e Gallia provene- rant », sed praeterea affirmavit, se nullo modo adiisse Cu- riam Archiepiscopalem Westmonasteriensem, et ad matri- monium celebrandum inconsulto ac culpabiliter devenisse ; verba autem, quae in tabulis matrimonialibus petitam et habitam delegationem affirmant fassus est, se postea priori