488 Acta Apostolicae Sedis - Commentarium Officiale

normam capitum Iuris Cum locum, 14; Veniens, 15; Consultationi, 28, De

sponsalibus, constans firmaque iurisprudentia est, scilicet, saltem de iure

ecclesiastico, metum esse impedimentum dirimens matr imonium, si sit

gravis, etiam tan tum relative, iniustus, ab extrinseco ortus, et in ordine

ad extorquendum consensum matrimonialem incussus.

Quae cum clara sint, ad factum properare licet.

Factum quod spectat. Ut actrix in supplici libello refert, ipsa quem-

dam Rosarium Anzalone deperibat, amboque sibi fidem de futuro matri-

monio dederant . Verum quia Rosarius pauper et inops erat, Gratiae

mater huic matr imonio valde repugnabat , et absoluto iussu voluit ut

f i l ia cum Cataldo Baglio, consobrino suo, matr imonium contraheret .

Exinde, inter matrem et fi l iam gravissima dissidia orta sunt per plures

menses, cum obiurgationibus, reprehensionibus, iurgiis, minis, etiam

mortis, verberibus, arcta custodia; quibus additae sunt graves vexatio-

nes ex par te fratris Gratiae, qui ad hoc a matre fuerat incitatus. Quae

omnia, iniuste patrata , et in ordine ad consensum matr imonialem extor-

quendum, tam gravia exhibentur, ut, si vera sint, de nulli tate huius

matrimonii non sit ambigendum. Inqui rendum ergo est, u t rum haec

ex actis processus probata sint.

Porro plures testes iurati , scilicet Antonina Iacona, Cataldus Chin-

nici, Catalda Lipira, Teresa Bruccheri, Iosephus Palermo, Salvator Sor-

tino, Cataldus Carletta, tempore non suspecto, ab actrice, ab eius matre ,

vel a vicinis didicerunt tum continuam Gratiae contra Cataldum Baglio

aversionem, tum minas, verbera, aliasque matr is erga f i l iam vexationes,

ut haec matr imonium cum Cataldo acceptaret : ex illis depositionibus,

quae omnino inter se et cum actricis assert ionibus concordant, valida

praesumptio oritur de gravi et iniusto metu a matre Gratiae filiae

incusso, ad extorquendum ab illa consensum matrimonialem. Sed haec

praesumptio ad gradum certitudinis assurgit, si inspiciantur depositiones

al iorum ad minus octo test ium iuratorum, quae nunc exponendae sunt.

Marianna Baglio, Gratiae mater, vidua Rosarii Terri to, pos tquam

in sua depositione narravi t se omnia tentasse ut filiam a matrimonio

cum Rosario Anzalone averteret , addidi t : « In casa successe l 'inferno:

« mia figlia Grazia cont inuava la relazione con l 'Anzalone, ma a forza

« di pressioni e di minacce la indussi ad accettare il part i to Baglio ».

Haec matr is depositio, etsi brevis ac generalis, non vi desti tuta est in

casu, cum, ex u n a parte, sit manifesta confessio facta ab illa quae metum

intulit , et, ex al tera parte, depositionibus ad minus septem aliorum

testium confirmetur.