488 CONSTITUTIO

sionem praebuerunt. Excellit inter haec munus curationis anima- rum , quod saepe , ut innuimus, religiosis viris demandatur intra fines ab Episcopis praestitutos ; locus autem iis finibus comprehen- sus missionis nomine designatur. Iamvero de his missionibus disce- ptatum fuit, an et quomodo fieri possit ab Episcopis earum divisio, seu, ut dici solet, dismembratio. Nam qui Regularium iura tueban- tur, negabant hanc divisionem fieri posse nisi legitimis de causis, adhibitisque iuris solemniis quae praescripta sunt ab Alexandro III (1) et a Concilio Tridentino (2). Alia vero erat Episcoporum opinatio.

Profecto si divisio fiat paroeciae veri nominis , sive antiquitus conditae, sive recentiore memoria iure constitutae, dubitandum non est quin nefas sit Episcopo canonum praescipta contemnere. At Bri- tannicae missiones generatim in paroecias ad iuris tramites erectae non sunt: idcirco sacrum Consilium christiano nomini propagando anno MDCCCLXVI officium applicandi missam pro populo ad Episco- pum pertinere censuit, propterea quod dioecesium Britannicarum non ea sit constitutio, ut in veras paroecias dispositae sint. Itaque ad divisionem missionis simplicis ea iuris solemnia transferenda non sunt, quae super dismembratione paroeciarum fuerunt constituta : eo vel magis quod propter missionum indolem et peculiares cir- cumstantias , numero plures ac leviores causae possint occurrere, quae istarum divisionem suadeant, quam quae iure definitae sint ut fiat paroeciarum divisio. Neve quis urgeat similitudinem quam utrae- que inter se habent; cum enim obligatio servandi solemnia iuris libertatem agendi Coerceat, ad similes causas non est pertrahenda. Silentibus itaque hac super re generalibus Ecclesiae legibus, ne- cesse est ut Concilii Provincialis Westmonasteriensis valeat aucto- ritas, cuius hoc decretum est : u Non obstante rectoris missionarii » deputatione, licebit Episcopo de consilio Capituli , intra limites » missionis cui praeponitur , novas Ecclesias condere ac portionem à districtus iis attribuere , si necessitas aut utilitas populi fidelis n id requirat. » Quae cum sint ita, ad propositam consultationem respondemus: licere Episcopis missiones dividere , servata forma sancti Concilii Tridentini (3) , quoad missiones quae sunt vere pro- prieque dictae paroeciae; quoad reliquas vero, ad formam Synodi I Provincialis Westmonasteriensis (4). Quo melius autem missioni, quae dividenda sit, eiusque administris prospiciatur , volumus ac

(1) Cap. ad audientiam de Selles, aedific.

(2) 3éss. 21 cap. 4. de reform. (3) Cap. 4 sess. 21 de reform.

(4) De regimine congregationum seu initiionum. n, 5.