489

EX S . CONGREGATIONE CONCILII

CURAE ANIMARUM

Die 26 Aprilis 1879.

COMPENDIUM FACTI. Anno 1 8 7 7 sub die 16 Iunii Capitulum Ecclesiae Collegiatae Divo Paulo vulgo Naufrago dicatae in Urbe V. supplicem S. C. Congregationi exhibuit libellum referens : ab huiusmodi Ecclesiae erectione curam animarum, qua Ecclesia pollebat, ab Archipresbytero, qui prima Capituli dignitas est, iugiter de iure exercitam esse usque ad annum 1 7 8 0 . Quo vol- vente anno^ res immutatae fuere vi Bullae Pii VI ; qua cautum fuit, ut deinceps cura animarum ab Archipresbyteratu seiuncta vel a Canonicis per turnum vel per vicarium ad nutum exer- ceatur.

Itaque canonici Bullam Apostolicam executioni mandare cu- pientes statuerunt, ut cura animarum per ipsos turnatim exer- ceatur.

In facto tamen est, quod cura animarum, ex nonnullorum oppositione, per vicarium amovibilem exercita fuit usque ad an- num 1 8 3 8 . Quo sane tempore Capitulo visum est, Vicario Curato remoto, servitium parochiale Canonicis demandare, qui per tur- num huiusmodi officium explere debuissent. Renuentibus non- nullis, tandem Capitulum die 26 Martii unanimi consensu con- stituit per biennia munus parochiale impleri debere ab unoquoque ex canonicis, incipiendo a Dignitatibus. Resolutio capitularis cui- dam canonico displicuit ; qui censuit per huiusmodi resolutionem