PARISIEN. 489

rogavit. Attamen ex his etiam ii qui ducissae intentioni magis favent, ut syndicus Hautefeuille, qui fatetur se mirari quod matrimoninm tanta pompa celebratum, nunc ex ritus defectu impugnetur, nihilominus ad quaestionem domicilii nil melius respondere potuit quam hoc : dici potest quod aestatis tempore plus Epineyum quam Parisios colebat. At de ce- tero Carolus Appay et eius uxor Lucilla ac potissimum duae moniales quae a plurimis annis puellis erudiendis in Epinay vacant, clarius loquuti sunt adversus domicilium ducissae illo in loco.

De cetero rem conficere nonnullos provisores escalium, panificem nempe, laniam et mulierem aromatum venditricem, qui ob negotia sua prae ceteris edocti in hac re esse debue- runt. Ex istorum libris apparet ducissam commorasse in villa epineyensi a die 27 ad 31 Maii, a 19 ad 23 Septembris a 2 Novembris ad 23 decembris anni 1876.

Quae cum ita sint, ait patronus, ex omnium testium auctoritate concludi merito posse, familiam Lejeune tam longe fuisse, ut stabile canonicum domicilium habuerit in Epinay, quod ne affirmari quidem tute possit ibi realem ac constantem rusticationis sedem obtinuisse.

Quin dicatur obtinuisse sin minus quasi-domicilium, sal- tem pro matrimonii anno. Nam 4. loco patronus contendit, familiam Lejeune anno 1876 paucos dies ante nuptias, pre- cario et nedum sine voluntate, sed et sine possibilitate com- morandi, per maiorem anni partem Bpineyum venisse. Missis enim quae actrix eiusque vir hoc in puncto dicunt; et misso etiam quod ex pluribus testibus hoc in puncto hauritur; nam vidua Cayzac, famulae Pirard, et Duchâteau, Kauflman, Ca- rolus Appay, magister Quidant, nec non et syndicus Haute- feuille deposuerunt paucos dumtaxat dies ante nuptias fa- miliam Lejeune Epineyum venisse, nec stabiliter ibi conse- disse ; et misso demum etiam quod ducissa et parochus Mail- lot quoad instabilitatem commorationis, eiusque brevitatem confessi sunt; attentionem E E . P P . patronus invocat super depositione duorum provisorum escalium, qui relatis libris