490 CURAE ANIMARUM

violatam fuisse Bullae pontificiae dispositionem. Hinc S. C. Con- gregationem adiens, quaesivit ut huiusmodi resolutio irrita ac quovis robore destituta declararetur. Capitulum vero preces obtu- lit efflagitans, ut resolutio approbaretur, vel ut authentica inter- pretatio porrigeretur quoad Bullae verba per turnum exerceri debeat (cura). Multum adlaborarunt partes ut propriam quisque tueretur sententiam : quarum argumenta omittimus, brevitatis studio, quoniam his rationum momentis haud innititur resolutio.

Disceptat io sy u optica.

ANIMADVERSIONES EX OFFICIO. Si cura animarum penes aliquod Monasterium vel Ecclesiam Cathedralem aut Collegiatam existat, eadem a Collegio exerceri potest per Vicarios amovibiles ad nu- tum, vel ab ipsis canonicis per turnum. Quae tamen si ita pro- cedebant de iure communi antiquo, hodie res aliter sese habent post Tridentinum. Ubi enim agitur de beneficiis quibuscumque curatis, quae ecclesiis Cathedralibus, Collegiatis et Monasteriis unita reperiuntur, Episcopi a Tridentino Sess. 7 cap. 7 de ref. excitantur quatenus providere procurent, ut cura animarum per vicarios etiam perpetuos, ibidem deputandos laudabiliter exercea- tur. Ita ut, quoad has Collegiales ecclesias, positum tantummodo videatur in Episcoporum arbitrio, Vicarium amovibilem, seu potius perpetuum constituere. En huius Synodi verba. « Beneficia ec- clesiastica curata, quae cathedralibus, collegiatis, seu aliis ecclesiis vel monasteriis beneficiis seu collegiis aut piis locis quibuscumque perpetuo unita et annexa reperiantur, ab Ordinariis locorum annis singulis visitentur, qui sollicite providere procurent, ut per ido- neos Vicarios etiam perpetuos ibidem deputandos animarum

cura laudabiliter exerceatur. » Huiusmodi vero pastores animarum curae praepositos debere esse perpetuos eadem s. Synodus magis magisque confirmat in Cap. 13 Sess. 21 de ref. ubi expresse et districte decernitur Episcopis « pro tutiori animarum eis commis- sarum salute ut distincto populo in certas propriasque parochias unicuique suum perpetuum, peculiaremque parochum assignent, qui eos cognoscere valeat et a quo solo licite sacramenta su- scipiant. »