490 EX S. C. CONCILII

V OTUM THEOLOGI. Martha, Parisien, duodeviginti anno- rum puella, in quadam balnearia statione prope Burdiga- lam , mensibus aestivis , degens , et Henricus Burdigalae domicil iata, iam duo supra triginta annos natus, denta- riae arti deditus, de matrimonio contrahendo consenserunt. At vero, sive quia Henrici maxime intererat matrimo- nium celebrare extra proprium originis locum (utpote qui, paucis abhinc annis, ob furtum carceribus per quadriennium, Burdigalae, mancipatus fuerat) sive quia Marthae genitor, a genitrice separatus, consensum praevium a lege civili, minorem ob aetatem filiae, requisitum denegaverat ; sponsi Londinum recta perrexerunt, ibique coram parocho Eccle- siae dictae Corpus Christi, exhibitis quibusdam documen- tis, praesentique genitrice Marthae cum uno alterove teste necnon officiali civili, vulgo Registrar, die 10 Augusti 1892, matrimonium contraxerunt et absque mora Burdigalam reversi sunt.

Elapsis vero mensibus quatuordecim aut decem et octo, susceptaque prole, Martha rixarum ac duritiei necnon ni- miae prodigalitatis mariti pertaesa, clam aufugit et apud ge- nitricem Parisiis sese recepit. Paulo post matrimonium suum, coram tribunali civili formiter accusavit. Tribunal vero, anno 1896, non separationem neque divortium, ut moris est, sed nullitatem (ob consensum paternum denega- tum) dicti coniugii illico sententiavit, salva tamen puel- lulae iam enatae legitimatione. Maritus vero, ob aliud fur- tum in Phymouth Angliae, antea patratum, ut videtur, et postea detectum, in inclusorio poenali prope Cayenne, ad vicennium relegatus est.

Mulier autem, quae interim a quodam consobrino iudice civili, necnon a quibusdam sacerdotibus, edocta fuerat ma- trimonium suum Londini celebratum, etiam in foro eccle- siastico, violatam ob legem Tridentinam, irritum haberi, supplicem porrexit libellum, penes Parisiensem Curiam, de nullitate matrimonii sententianda ex capite clandestini- tatis.