I 490 EX S. G. RITUUM

r Ad III. « Affirmative ad primam partem ; negative ad se-

! cundam ». ! Ad IV. « Iuxta consuetudinem ».

Ad V. « Si non sint concessi uti Doctores, affirmative ; se- cu negative ».

Atque ita rescripsit, die 11 Decembris 1903.

S. C ARD. CRETONI, Praefectus. L. * S.

f D. P ANICI, Archiep. Laodicen., Secret.

En supra citatum DECRETUM

circa Commemorationes agendas ad Laudes et Vesperas in Suffragiis Sanctorum.

Quum dubia saepius exoriantur circa Commemorationes in Suffragiis agendas, tum ex eo quod varios casus particula- resque generalis non valeat contemplari Rubrica ; tum quia super eadem declarationes innumerae, ab hac Sacra Congre- gatione prolatae, in Decretorum Collectione hac illae dispersae, sine gravi labore vix reperiri queant; ac praeterea, pro variis locis casibusque peculiaribus plerumque emanatae, quamdam aliquando antinomiae speciem inter sese ferre videantur; ut in re quotidiani fere usus, quae in diversis Ecclesiis, pro varietate Titularium ac Patronorum, necessario est dissimilis, norma quaedam certa habeatur et obvia : Sacra Rituum Congregatio, re mature considerata, per Generale Decretum ad dubia quae- cumque tollenda, ea, quae sequuntur, declarare ac decernere statuit :

I. Quilibet, sive Secularis sive Regularis, alicuius Ecclesiae servitio, quocumque canonico titulo, addictus, dummodo Eccle- sia sit publica etsi non consecrata, tenetur, tam in Vesperis quam in Laudibus, diebus a Rubrica notatis, inter Suffragia Commemorationem agere de eiusdem Ecclesiae Titulo, non ob- stante quacumque consuetudine contraria, etiam immemorabili; et quamvis Commemoratio iam soleat fieri Patronorum loci vel regionis.

II. Commemorationes in Suffragiis nunquam fiant de iis Mysteriis vel Sanctis, de quibus eadem die agitur Officium. Immo neque in Officio votivo de Passione fiat Commemoratio de S. Cruce aut de SS. Sacramento, in quo recolitur memoria