P ARENTINA 491

1855 praescribitur concursus cunctarum paroeciarum, tum iurispatronatus ecclesiastici, tum laicalis, absque distinctio- ne. In casu vero iurispatronatus ecclesiastici, datur patrono, ex eodem articulo, libertas eligendi inter tres ab Episcopo praesentatos.

Disceptatio Synoptica.

Quaestio igitur solemni iudicio EE. PP. proposita huc reducitur, an nempe patronis integrum sit nullum admit- tere ad praesentationem ex idoneis, a competente auctoritate declaratis, sive unus tantum idoneus declaratus fuerit sive plures, adeo ut iidem patroni ex hoc repudio a iure prae- sentandi non decidant, sed iterum eligendi inter alios ap- probatos ius habeant.

Cui inquisitioni, ut fiat satis, in primis distinguendus videtur casus, quo unus tantum idoneus renunciatur, a casu plurium approbatorum, quos inter praesentandum eligant patroni. Nam exploratissimi iuris est, ius praesentandi ae- quiparari facultati eligendi; siquidem in hoc consistit pri- vilegium praesentationis, ut patronus eum valeat designare inter plures idoneos, quem digniorem et sibi magis benevi- sum reputet. Quamobrem penitus extenuatur, et tollitur pri- vilegium praesentationis, ubi aufertur facultas electionis in- ter plures, aeque capaces canonicae praesentationis. Proindeque non videretur improbanda patronorum agendi ratio quando neminem praesentant, si unus tantum offeratur ab Episcopo approbatus. Improbandi vero essent patroni et deciderent a iure iterum praesentandi, si inter plures approbatos neminem praesentatum eligerent.

Sed ex adverso penitiore consideratione res indiget. Si- quidem in iure praesentandi duo potissime continentur, ni- mirum onus gravissimum in patronis praesentandi idoneum imo digniorem inter idoneos; secundo ipsum ius praesenta- tionis. SS. Canones, ut fideles allicerent ad sua bona im- pendenda in profectum Ecclesiarum, pios oblatores augere non dubitarunt iure praesentandi clericos in ecclesiasticis