EX S. C RITUUM 491

Passionis Christi ; sed neque de S. Michaele Archangelo in Of- ficio votivo Ss. Angelorum.

III. Similiter Commemoratio de Ecclesiae Titulo, iam com- muniter in Suffragiis agenda, semel tantum fiat, et per Anti- phonam communem. Itaque, si Titulus Ecclesiae sit ipsa sancta Crux, eius Commemoratio, tam intra quam extra tempus Pa- schale, non fiat nisi semel ; et per Antiphonam, Versiculum et Orationem, quae inter Suffragia pro diversitate temporum an- notantur. Pari prorsus modo, Commemoratio de Beata Maria Virgine, alicuius Ecclesiae Titulari, etiam sub denominatione Annuntiationis, vel Assumptionis, vel huiusmodi quacumque alia, fiat semper per Antiphonam communem Sancta Maria succurre miseris., cum Versículo et Oratione ibidem suppositis: et haec sola Commemoratio sufficiat, ut dictum est supra.

IV. Si vero tam Officium diei, quam Commemorationes circa idem obiectum, haud tamen sub eadem ratione versentur; tunc Commemoratio Tituli non omittatur. Sic de SS. Salvatore, Ecclesiae Titulo, agenda est Commemoratio etiam postComme- morationem S. Crucis, immo in ipsa Dominica II Quadragesimae.

V. Ceterum de Titulo Commemoratio fiat omnino specialis, nec sufficit eidem cum aliis Sanctis non Titularibus communis.

VI. Notandum autem est Commemorationem Beatae Ma- riae Virginis communem omittendam esse in Choro, iuxta Ru- bricam, quum recitatur eiusdem Beatae Virginis Officium parvum.

VII. Tituli Commemoratio inter alia Suffragia locum teneat, pro dignitate ipsius, a Rubricis assignatum. Sic ex. gr. Comme- moratio S. Michaelis Archangeli praeponatur Commemorationi S. Ioannis Baptistae, S. Ioseph et Ss. Apostolorum Petri et Pauli, quorum quidem Commemoratio praeponenda est Commemo- rationi aliorum Apostolorum.

VIII. Praeter Commemorationem de Titulo seu Patrono Ec- clesiae (et Regulares etiam de proprio Fundatore), nulla de Pa- trono Loci, vel Dioeceseos, Provinciae aut Regni, vi Rubricae facienda est ; nisi contraria vigeat consuetudo. Quo in casu, nisi aliter exigat personalis dignitas, Commemorationes huiusmodi hoc ordine fiant : ut Loci seu Civitatis Patronus Patrono Dioe- ceseos, hic vero Patronis universàlioribus, in Suffragiis ante- ponatur.

Die 27 Iunii 1899.