492 Acta Apostolicae Sedis - Commentarium Officiale

pluries enim in hebdomada ieiunium servabat, novendialibus precibus

corporisque afflictationibus, pro suo modulo, ad Deiparae festa celebranda

animum comparabat. Nec minori studio litteris addiscendis incumbebat.

Sacerdote Felice Villani, avúnculo, favente, Vitus S. Angeli de Lombardis

Seminario adscitus, miras seu in Htteris seu in pietate progressiones fecit.

Decimum septimum agens annum, divinae vocationis ad religiosam vitam

indubia signa cum comperisset, rem pio avúnculo aperuit, qui, omnibus

pensatis, Congregationem Ssmi Redemptoris amplecti nepoti est eonsilia-

tus. Anno 1805 ad S. Angeli « a Cupolo » in Pontificia ditione, tyrocinium

inchoavit, quod tamen, ob publicae rei eversionem, Napoleone Bonaparte

imperante, interceptum, restituta Ecclesiae atque regno quiete, complevit,

atque religiosa vota, quae iam ante dispersionem emiserat, summo animi

gaudio anno 1808 definitivo modo nuncupavit confirmavitque.

Philosophicarum, theologicarumque disciplinarum curriculo cum laude

absoluto, sacros ordines suscepit, sacerdotio auctus die 30 Martii mensis

a. D . 1811. .

Iam ab ipso tyrocinii initio Christum imitari et hunc crucifixum sibi

firmiter proposuit, illudque Pauli sibi assumpsit: mihi mundus crucifixus

est, et ego mundo (Gal., 6, 14). Per hanc Christi imitationem, per hunc

mundi despectum, carnem, passionesque suas rationi plenissime subditas

asperrimis paenitentiis reddidit, atque a carnalibus veluti vinculis abso-

lutus, virtutes omnes, quae sacerdotem et religiosum virum decent, exer-

cendo, ad perfectionis culmen attingere visus est, caelestibus spiritibus

comparandus. Tenerrima erga Beatissimam Virginem religione ferebatur,

cuius maternum praesidium, praesertim in peccatoribus ad paenitentiam

nectendis, praesens iugiter est expertus.

S. Alfonsi itaque Legiferi patris spiritu plenissime imbutus, arduo apo-

stolatus ministerio apprime maturus, sacris missionibus totum se dedit,

universam fere Calabriam pluries indefesse peragrans, immensos uberri-

mosque animarum manipulos colligens. Adhuc vivida bene factorum eius

inter illas gentes memoria. Odia restincta, dissidia composita, gliscentes

rixae atque scandala cuiusque generis sublata, male parta restituta, uno

verbo mores christianaque vita instaurata patris Di Netta apostolicos la-

bores semper et ubique consequebantur. Fidelis servi sui sanctitatem ani-

marumque zelum Deus indubiis signis confirmabat, magis magisque copio-

sam largiens animabus redemptionem.

Catacii per breve tempus, Tropaeae postea moratus est, unde ad varia

Calabriae oppida civitatesque, veluti excurrens, advolabat. Triginta septem

annos huic laboriosissimo, fere unice, impendit ministerio, quousque nempe

vires ei suffecere, Calabriae Apostolus merito conclamatus. Laboribus pae^-