492 Parochialis

publico clamore, Parochus ita sit infamatus, ut diutius sine

scandalo dissimular! non possit, aut sine periculo tolerari.

II. Proinde gravi existente excessu, quamvis non sit ab

ordine degradandus, ab administratione tamen removendus est

Parochus turpiter agens, iuxta evangelicam sententiam, quae

innuit, villicum amoveri debere a vilicatione, qui dignam suae

villicationis reddere rationem non valet.

III. Verumtamen in inquirendo et puniendo, illud adhiben-

dum esse moderamen, ut iuxta formam iudicii dictetur quoque

forma sententiae; ideoque parochus canonice institutus, num-

quam amoveatur absque causa canonica, et absque canonica

procedendi forma.

IV. Quapropter ut Episcopus a Paroecia removere queat

Parochum in prava consuetudine iiisordescentem, nil aliud

requiri quam, ut praemissa forma canonica, crimen concludenter

probatum sit.

V. Et rite utrumque requiri, nempe canonicam procedendi

formam et concludentem criminis probationem ; eoquod quum

privationis poena sit maxima et aequiparetur morti civili,

nequit perperam infligi.

VI. Hisce adhibitis cautelis Episcopos posse beneficiis pri-

vare scandalosos parochos clare innuit Trid. Sess. 2 1 , cap. 6,

de ref. aiens: postquampraemoniti fuerint (huiusmodi Parochi)

coerceant ac castigent, et si adhuc incorregibiles in sua nequitia

perseverent eos beneficiis ... privandi facultatem habeant.

VII. Poenam graduatoriam, de qua loquitur Tridentinum 1

locum habere tantum ex DD. quoad alia beneficia non curata;

1 Cupiens Tridentinum ut beneficiati concubinarii resipiscere possent et malam derelinquere consuetudinem, ante extrema remedia, graduato- riam quoad istos constituit poenam aiens: Quod si a superioribus moniti, ab iis se non abstinuerint, tertia parte fructuum, obventionum, ac pro- ventuum beneficiorum suorum quorumcumque et pensionum ipso facto sint privati... Sin vero in delicto eodjem ... perseverantes secundae moni- tioni adhuc non paruerint, non tantum fructus omnes ac proventus suorum beneficiorum et pensiones in eo ipso amittant ... Sed etiam a beneficiorum ipsorum administratione.. suspendantur, etsi ita suspensi nihilominus ... tunc beneficiis, portionibus, ac officiis et pensionibus qui-