492 ENGOLISMEN.

rum sive vir mulierem, sive mulier reiecerit virum, hoc manet'certe probatum, scilicet ipsos non convenisse : quod tandem erat demonstrandum.

Sive igitur considerentur ea, quae pro viro, sive inspi- ciantur ea, quae pro muliere in actis afferuntur, factum non sequutae consummationis est omnino et pro certo retinen- dum; 1. quia ita iuramento affirmarunt vir et testes ab ipso inducti, de quorum veracitate dubitari non potest: 2. quia hoc probant gravia adminicula, provenientia ex ipso facto mu- lieris : 3. quia contraria Lydiae depositio est omnino reii- cienda utpote contradictoria et mendax : 4. quia adductum advocatorum testimonium, contrarium nullimode demonstrat. 5. demum quia unica testis ex parte mulieris, mulieri ipsi no- cet et viri depositiones confirmat.

At constat ne de causis ad dispensandum? Probe scitis, Sa- pientem iudices, inter causas ad dispensandum, principem locum obtinere animorum aversionem et odium; ita ut quoties haec verificentur soleat summi Pontificis apostolica benignitas in ipsa matrimonii dispensatione substantiale remedium invenire.

Hanc autem animorum aversionem, hoc detestabile odium de facto verificari inter coniuges, de quibus agimus, res est adeo clara et manifesta, ut de ipsa dubitari non liceat. Ab- sit a me, ait vir, ut in gratiam cum uxore redeam ; eorum enim animi ita aversabantur, ut pacificatio impossibilis ap- pareret dominae Ludovicae Drilhon, idque ex mala mulieris voluntate, ut asseruit dominus Anatolius de Fradin, vel ex circumstantiarum complexu, ut docuit dominus Leopoldus Vacquier. Ceterum ipsa mulieris contumacia, ipsa voluntas non accedendi ad Iudicem ecclesiasticum ne adversario seu viro suo prodesset, studium inutiliter positum a civili Iudice ad animos reconciliandos, ut ipsa narrat mulier in epistola ad socerum, satis superque demonstrant impossibile omnino esse coniuges inducere ad coniugalem vitam iterum instaurandam.

Cum itaque satis constet, tum de non consummatione matrimonii, tum de causis ad dispensandum, dubio in calce proposito responderem, ait consultor, affirmative.