492 EX S. G. CONCILII

Henri commorabatur Burdigalae, iuxta depositionem geni- tricis eius: «Au moment du mariage, je demeurais à Fa- cture. Mon fils était domicilié depuis plus de six ans à La Faurie-Monbadon (Burdigalae) ». Haud aegre praesumeretur quod misericordissima mater, intra sexennium praefatum - 1886-1892, - quadriennium discrete incluserit 1886-1890, quo durante Henricus propter furtum incarceratus remansit {Le Nouvelliste de Bordeaux : 15 maii 1886 - Cour d'as- sises de la Gironde, actis iudicialibus annexum).

Item, simili desiderio, celandi nempe suam incarceratio- nem, adscribenda videtur fugax ipsius Henrici responsio. Ille enim, virtute Commissionis rogatoriae rite iuratus et interrogatus a Delegato Vicarii Apostolici Guyanae, circa domicilium suum tempore matrimonii, respondit: « A cette époque j 'étais interne étudiant à l'hospice des aliénés à Bor- deaux. Mes parents habitaient la campagne ».

Ceterum, in subiecta specie, parvifaciendum est quod maritus aetate longe maior domicilio paterno absolute de- relicto, proprium ac verum sibi constituerit Burdigalae do- micilium, aut, paterno in oppido Facture retento, quasi- domicilium in Civitate habuerit, quum ipse non delegatio- nem parochi domicilii paterni, bene vero parochi Burdiga- lensis, ut infra dicetur, obtrudere conetur.

Item secundarii nulliusve momenti videtur circumstantia peculiaris, de proposito nempe celebrandi matrimonium in Angliam : quod enim ipsa Marthae genitrix, a legitimo ma- rito iamdiu separata, vitam cum amasio duxerit inhonestam et ideo consensum patris pro nubenda filia (quae forsan non erat ipsius nisi legalis filia) obtinere desperaverit et matri- monium, hac de causa, in Angliam celebrari exoptaverit; aut econtra, quod ipse sponsus, Henricus, pecuniis Marthae in- hians, ac timens ne forsan in exhibitione documentorum, ut dicitur, identitatis, patefieret etiam tesserula prioris incarce- rationis, seu « le casier iudiciaire », profectum in Angliam enixe expostulaverit : nihil inde, ni fallor, nequidem ab un- guiculo, factispecies quantum ad clandestinitatem immutatur.