492 EX S. G. RITUUM

MELITEN.

In ecclesiis extra moenia civitatis episcopalis fieri non debet Octava Dedicationis ecclesiae cathedralis.

Postulato R. D. Salvatoris Chircon, Parochi ecclesiae S. Pauli in loco dei Rabato nuncupato : « An de Anniversariis Dedicationis Ecclesiae Cathedralis in Civitate Notabili, Dioece- seos Meliten., fieri debeat Octava in praedicta ecclesia Paro- chiali S. Pauli, quae sita est extra moenia ipsius Civitatis No- tabilis»; Sacra Rituum Congregatio, ad relationem subscripti Secretarii, audito etiam voto Commissionis Liturgicae, respon- dendum censuit : Negative, iuxta Decretum N. 3863, d. d. 9 Iulii 1885, ad IV (1).

Atque ita rescripsit, die 18 Decembris 1903.

S. C ARD. CRETONI, Praefectus. L. f S.

f D. P ANICI, Archiep. Laodicen., Secret.

(1) En citati decreti tenor ad IV: « Ad anniversarium autem quod spectat De-

dicationis Cathedralis Ecclesiae, S. R. C. iubet, ut illud celebretur ab universo Clero

Saeculari Dioecesis sub ritu duplici primae classis, in Civiiale Episcopali cum

octava, extra vero sine octava. Idem festum recolenl ii tantum ex Clero Regulari,

qui in Civitate degunt Episcopali, sub ritu duplici secundae classis sine octava ».

Ecclesia parochialis S. Pauli, de qua hic loquitur, non tenetur celebrare Octa-

vam Dedicationis Ecclesiae Cathedralis in civitate Notabili, quia, uti supponitur, ita

extra ipsius civitatis episcopalis moenia invenitur, ut dici possit extra eamdem ci-

vitatem posita, nempe ut non sit nec eius suburbium nec eidem adiacens. Sane phra-

sis extra moenia, saltem iuxta nostrum intelligendi modum, non semper aequivalet

alii extra civitatem; quum conlingere possit ut aliqua ecclesia, propter incolarum

augmentum et novam civitatis extensionem, extra ipsius civitatis moenia aedificetur,

quin ex hoc partem ipsius constituere desinat.

Moenia enim antiquitus erant veluti propugnaculum ab hostibus, nunc vero

nonnisi historicum monumentum praeseferunt; ideoque nunquam efficere valent ut

quod extra ipsa invenitur, hoc ipso extra civitatem existat. Hinc ecclesia, quae

materialiter sit extra moenia sed considerari possit veluti pars civitatis, tenetur

peragere Octavam Dedicationis ipsius Cathedralis Ecclesiae.

Quo in conceptu insistimus etiam hac de causa, quia nempe nobis constat

quod facultates v. g. Regularium proprias, et quarum exercitium aliis minime con-

ceditur, nisi pro iis locis, in quibus eorumdem Conventus non existit, praesertim

vero in Urbe Roma, ubi quamplures habentur Conventus horum Ordinum Religio-

sorum, nonnulli extra Urbis moenia vulgo in nova Roma exercere sibi licitum esse

duxerunt et ducunt.