•COMEN. 493

parochum alterutrius coniugis, non proprium contrahuntur in locis uhi Tridentinum Concilium promulgatum est.

II. Parochum proprium esse parochum domicilii. III. Domicilium eo in loco constitutum censeri in quo

quis larem, rerumque ac fortunarum suarum summam con- stituit, unde rursus non sit discessurus, si nihil avocet, et unde cum profectus sit peregrinari videtur.

IV. Filiorum familias domicilium eo in loco censeri, ubi lares habet paterfamilias.

V. A domicilio in hoc differre quasi domicilium , quod in illo perpetuo, in hoc ad maiorem anni partem manendi animus requiritur.

VI. Ad praesumendum animum manendi, ad maiorem anni partem, requiri saltem mensis unius moram.

VII. Vagos appellari eos qui nullibi verum domicilium habent et fixam sedem, aut domicilio relicto aliud requirunt.

VIII. Sanationem in radice non praesumi : eam vero nullum effectum habere, nisi consensus saltem praesumptus supponatur per maritale contubernium : nec diuturnitatem contubernii vitium formae insanabile abstergeré.

IX. Non dari praesumpta domicilia nec putativa: ea enim constituuntur animo manendi et facto habitationis.

A R B O R E N .

DISTRIBUTIONUM ET EMOLUMENTORUM

Die 19 Septembris 1885. Per summaria precum.

COMPENDIUM FACTI . Rescripto diei 20 Septembris 1884 quidam canonicus cathedralis arborensis Serapion Carta, obtinuit iubilationis indultum cum solitis clausulis, ut nempe fructus omnes et distributiones quotidianas percipere possit ac valeat, perinde ac si officiis omnibus personaliter interesset.

Porro Capitulum quotidianas distributiones ipsi largiri paratum quidem erat, detrectabat eidem concedere quae dis-