494 ARBOREN.

tribuuntur occasione processionum, festorum, anniversario- rum, et praesertim distributionem (vulgo peaggio) quae in nocte Natalis D. N. I. O. dari solet. S. C. C. cui supplex libellus ad rem porrectus fuit, oratores remisit ad probatos auctores, et ad resolutiones S. C. O. in similibus editas.

Modo vero novae preces, ab Archiepiscopo commendatae, S. O. O. transmissae sunt ex parte ipsius Serapionis, in quibus ipse conqueritur, Capitulum, etiam post rescriptum su- perius relatum, perstitisse in sua sententia, contrariam al- legans consuetudinem. Quapropter humiliter orat, ut S. C. C. declarare dignetur, num ipsi spectent extraordinariae hae distributiones; et quatenus obstaret praefata contraria con- suetudo, supplicat ut dictae distributiones ei nihilominus con- cedantur ex gratia, attenta infirma sua valetudine atque se- nili aetate 83 annorum.

Disceptatio Synoptica.

Porro saepius declaratum est quod, interveniente con- traria consuetudine, distributiones extraordinarias minime lucretur canonicus iubilatus. Quod- apprime patet sequen- tibus resolutionibus, in Reatina Distributionum 19 Apri- lis 1692, in qua proposito dubio « An canonico iubilato vigore indulti iubilationis debeantur distributiones et fal- lentiae canonicorum absentium, etiamsi choro non inter- sit? » responsum est: « Affirmative, dummodo non obstent constitutiones particulares et consuetudo ecclesiae. » Et si- militer in Aquipendien. Iubilationis 28 Martii 1697; ac plenius in Aquilana Indulti 26 Iunii 1745, in qua cum ageretur de indulto concesso cuidam canonico absenti ab ec- clesia dubitatum est: « An et quibus emolumentis perfrui debeat; » et prodiit resolutio : « Deberi omnia emolumenta exceptis iis, quae sive ex dispositione testatoris sive ex statuto et consuetudine ecclesiae debentur tantum actu inservientibus et amplius. » Atque ita etiam in Tranen. Iubilationis 13 Ianuarii 1703, in Spoletana et Reatina Punctaturarum 3 Aprilis 1841, aliisque sexcentis.