494 VARSAVIEN.

affectum esse impotentia sexuali absoluta, vel relativa ; quod attinet momenta naturae moralis, de his absolute nihil certi proferre possum.

In concordia cum supradictis assero, opinionem superio- rum medicorum, statuentem absolutam et incurabilem im- potentiam, ex integro subsistere non posse, et quidem ea- tenus mutanda est, quod seclusis rationibus psychicis, Ca- rolum reputo habilem ad concumbendum cum mulieribns defloratis ».

Non video qua ratione ex praemissis concludi possit con- stare de matrimonii nullitate.

Quod respicit altera dubia, matrimonii nempe inconsum- mationem ac aliarum licentiam nuptiarum, tria Carolus évin- çât oportet: Io matrimonii inconsummationem : 2° iustam dispensandi causam : 3° potentiam coeundi.

Iam vero etsi dare velim, matrimonium haud consum- matum ante annum 1883, in probatis tamen non est con- iuges posthac nullo temporis momento fuisse solum cum sola matrimoniumque consummasse.

Immerito censet lectissimus consultor in gratioso iudi- cio sufficere extraiudiciales ab archiepiscopo collectas pro- bationes. Ad rem sacra Congregatio in Valentina seu Me- diolanen, die 18 Martii 1732 tradit: « Quamvis dispensa- tio sit gratia, tamen non habet locum, nisi cum certitudo adest matrimonii tantum rati et non consummati; adeo ut causa haec de dispensatione sit magis rigorosa uberioresque exigat probationes, quam illa de nullitate ».

Ut praeteream necessariam ad dispensandum causam, aequis facile potentem existimabit hominem 46 annorum aetatem egressum, qui debilis iudicatus sit fiorente iuventa ? Adeone vilescit sanctitas sacramenti, ut homini, qui iam naufragium fecit, alias nuptias cogitare liceat, quia functio sexualis probabiliter potest locum habere cum muliere in- structa genitalibus laxis, aut ad copulam valde idoneis ì

Quae cum ita se habeant, submisse postulo ad memo- rata dubia rescribi: