494 Ex S. Congregatione Concilii

positio Decret i A primis retrotrahenda sit in detrimentum

eorum, qui ex triennio aut quinquennio commorationis in ali-

qua dioecesi, incardinationem praesumptam obtinuerint ante

dicti Decret i evulgationem, v ix locus disputationis esse videtur.

L e x enim non agi t retro, nisi aperte id caveat, sed quae

futura sunt opportune disponit. Decretum autem A primis

minime improbavit incardinationes praesumptas aut oretenus

praecedenter factas; e rgo eae stare debere videntur.

Gradum deinde faciens ad alteram quaestionem quam pri-

mum Ratisbonensis Episcopus , et deinde alii quoque Ordi-

narii fecerunt, observo hoc quaestionis genus in tria dubia

posse dispesci, ceu superius innui, nempe quaeri posse: i ° . an

ex consuetudine Constitutioni Speculatores contraria introduci

potuerit novum ius, quo liceret Episcopis ordinare laicum ho-

minem , qui litteras excardinationis seu dimissoriales a suo

Episcopo obtinuerit , non servato spatio temporis quod ad

acquirendum utile domicilium Constitutio Speculatores prae-

scribit; 2°. utrum particulare hoc ius adhuc vigeat , an potius

abrogatum fuerit a Decre to A primis\ 3 0. (quidquid sit de

duobus prioribus dubiis) an et quibusnam cautelis novum hoc

ius ratum haberi, seu introduci possit.

Iamvero de primo et altero dubio pauca dicam. Nam

quod alicubi novum ius Constitutioni Speculatores contrarium

introduci potuerit , ex valore et aestimatione consuetudinis

pendet. Examinari enim in primis oporteret, an in hac illave

dioecesi seu regione consuetudo iis de facto induta fuerit re-

quisitis, quae ad praescribendum contra communem legem

necessaria sunt. Deinde vero in linea iuris discutiendum es-

set, utrum contra dispositionem Const. Speculatores de qua

agitur, praescribi potuerit. Et quisque intelligit haec omnia

haud facilis solutionis futura.

Posito autem quod primo huic dubio responsio affirmativa

data esset , quaestio altera subordinata tunc nasceretur, an

scilicet particulare hoc ius abrogatum fuerit per Decretum