496 SOLUTIONIS SEU EXCARDINATIONIS

annis adstringebatur Seminario dioecesano uti magister gram- maticae, in quo cum habitatione et mensa stipendium quoque haberet libell. 300: monitum fuisse a Seminarii Rectore ut re- diret, ac renuisse : monitum de censura inferenda suspensionis, et perstitisse contumacem : praeceptum deinde ei fuisse, ut se conferret ad paroeciam O. ludimagistri officio functurum ut Mu- nicipium efflagitabat cum stipendio libell. 650 et ut Parochum septuagenarium coadiuvaret, et noluisse. Exinde indicabat Epi- scopus scandala orta et dicteria in Clerum, praesertim ob Pre- sbyterorum penuriam in summis christiani populi necessitatibus.

Suspensioni subiectum nec damna nec scandala umquam reparasse : quod si excardinari vellet e dioecesi id sub condi- tione ei concedi, dummodo damna illata per exercitia spiritualia repararet et obligationibus satisfaceret, repensis scilicet sumpti- bus, quos pro eius ecclesiastica educatione Seminarium im- penderat.

E converso Livius inquiebat, se iam fuisse e dioecesi ab Episcopo emissum ; ideoque totam controversiam reduci, utrum ipse teneretur solvere Seminario sumptus quos consumpserat: atque contendebat se ad id non teneri.

D i s c e p t a t i o s y n o p t i c a .

I URA E PISCOPI. Episcopus in suis epistolis commemorabat canones tum veteres tum recentiores, quibus ius firmatur cogendi Presbyteros ut in propria cuiusque dioecesi permaneant, vide- licet can. 5 Concilii Nicaeni, can. 5 Antiocheni, can. 13 Sardi- censis, statuentes, Clericos debere esse subiectos Episcopis, a quibus, si recedant, excommunicari possint, et sic excommuni- catos, quocumque se conferant, nequaquam ad communionem posse ab ullo alio admitti, donec a proprio, qui eos ligavit, Episcopo exsolvantur, aut a provinciali Synodo, si ad eam appel- laverint. Can. 3 Concilii Antiocheni vetare, quominus Clerici sine litteris Episcopi peregrinari possint, alioquin decernere de- ponendos e gradu suo. Canones Apostolorum 15, 16, 32, Syno- dumque Sardicensem c. 16, 18 et 19, prohibere ne Presbyter, Diaconus aut Subdiaconus in ministerium aut communionem recipiatur, si sit alterius dioecesis, sine Episcopi proprii com- mendatitiis l i t teris; vel ne in clerum admittatur vel ordinetur