ENGOLISMEN. 497

Sed scire iuvat, ex brevitate, quod Lydiae depositio de suspicione sapit; et videtur magis supposita quam verax.

Matri refert confidenter, quae a suis repetitis questibus certiorata, declarat cum iuramento, incomprehensibilem sibi nurum extare; nihilominus, ipsius aversationis causa, cer- tum esse matrimonium filii permansisse inconsumptum.

Refert etiam notis et amicis quotquot sibi offerunt cito post primam noctem nuptialem. Et omnes isti, viri probata honestate praediti, et praevio iureiurando cuncti securo ani- mo professi sunt, comitem De Vignaud nequaquam con- summavisse matrimonium ; constanterque adiungentes, quod ita successit inexplicabili suae coniugis causa, eiusque agen- di ratione.

Declarat eadem pluribus Parochis; et confessus est pro- prio Episcopo; et nunc solemniter supplici libello exposuit ad Summum Pontificem, affirmatione affirmando sui matri- monii inconsummationem ; quare ipse ait : invocare pontifi- ciam dispensationem, tamquam iustitiae actum, sive senten- tiam. Dictio equidem immodica, sed excusabilis in laico ho- mine; quae tamen demonstrat in eo inesse super inconsumpto opere perfectam convinctionem atque certam notitiam.

Pensare vero oportet, quomodo propter impedimentum de rato, Oscar alligari tantum conscientia sentiat; cum in- terim ei, quoad civiles effectus, praesto sit laica sententia, quae facultatem praebet ad divortium suo libito procedendi.

Quando igitur falso penes Pontificem assereret, non obti- neret utique solutionem, quam efflagitat; sed adstringeret conscientiam potius ex titulo subreptionis, et adhibiti iura- menti. Quod non datur praesumere, positis honestatis et re- ligionis qualitatibus, quas in illo communiter, interposito- que sacramento, asseverant toti viri probi, qui ex experien- tia argumentum conficiunt. Noluit ille massonum sectae no- men dare. Gloriatur religione catholicum esse ; et profitetur nunquam desciscere a paterna pietatis virtute.

Coram praedictis a Comite De Vignaud declarationibus, quae ad intima coniugii opera spectant, stat illud profun-

Aeta, Tom. XXIV. fase. C GL XXXIV. 32