499

SENOGALLIEN.

BINATIONIS

Die 7 Septembris 1889. Per summaria precum.

C O M P E N D I U M F A C T I . Ne moniales Clarissae a s. Carolo missae sacrifìcio privarentur diebus festis, ab Episcopo facta est facultas, ut, quocumque alio deficiente sacerdote, paro- chus s. Mariae de Abbatissis sacrum in coenobio iterare posset.

Contigit autem ut parochus, qui etiam a sacris confes- sionibus est in eo monasterio, quique, ob extremam harum sacrarum virginum paupertatem, nulla prorsus pro labore suo temporali retributione donatur, peracta sibi conscientia, ap- plicavit 15 ex secundis missis in satisfactionem oneris ceu canonicus Archipresbyter, a quo tamen eleemosynam non habet. Verum admonitus ab Episcopo, ne id sine apostolicae Sedis venia amplius faceret, supplici libello a SSmo petiit, ut in posterum facultas sibi daretur has 15 missas in sacri iteratione applicandi, et ut insuper a praeterita male acta applicatione absolveretur.

Rogatus Episcopus pro informatione et voto, haec re- spondit: « Itaque quoad primum, licet in concedendis Duran- tibus emolumentum aliquod, etiam incommodi et laboris ra- tione, severius agendum generatim sit, ne sub specie laboris et incommodi revera secundae missae eleemosyna sub alia forma contra canonum dispositionem ab eis percipiatur; ni- hilominus in casu speciali, speciales circumstantiae atten- dendae sunt. Siquidem dum ex una parte denegari queat pa- rochum Marinelli secundam missam cum aliquo incommodo diebus festis celebrare favore solius monasterii s. Caroli, ex altera, idque mihi praecipuum est, ipse munere confessarii fungitur in supradicto monasterio, quin ullam percipiat re- tributionem, cum de monasterio agatur, a quo ob maximam, qua laborat, paupertatem, nulla retributio vel peti vel con- cedi potest. Cum itaque parochus Marinelli 1. secundas mis-