502

THEATINA

E X C A R D I N A T I O N I S

Die 19 Septembris 1885. Per summaria precum.

COMPENDIUM FACTI. Nicolaus Marulli et Paschalis Pan- talone e theatina Dioecesi ambo oriundi, atque in lancia- nensi Seminario aliquot abhinc annis studiis operam navantes, ab Ordinario theatino dimissoriales litteras petierunt, ut ad minores ordines per lancianensem Archipraesulem rite pro- moveri possent. Verumtamen eorum precibus haud benignam aurem praebere existimavit theatinus Archiepiscopus; imo praeceptum eis fecit, ut vel in aliquod Romanae urbis ephe- beum, vel in ferentinatense aut anagninum vel sublacense Seminarium, si sacram Ordinationem recipere cuperent, se conferrent.

Hisce vero mandatis se haud parere posse significarent adolescentes Pantalone et Marulli ex sua cuiusque familia- rum conditione. Verum eiusmodi rationibus Ordinario thea- tino haud acquiescente, ambo supplici libello sacratissimum Principem adiverunt, enixe expostulantes, ut eos a lege innocentianae Constitutionis, quae incipit Speculatores dis- pensare dignaretur, simulque sibi concederet excardinatio- nem a theatina Dioecesi, ut in lancianensem cooptati, studia ibidem perficere et. sacros ordines suscipere valerent.

Rogatis, ceu de more, Ordinariis sive lancianensi, sive theatino, prior litteras dedit, quibus, laudans alacre oratorum ingenium, eorumque divinam vocationem probans, utriusque preces valide commendabat. Alter vero, theatinus scilicet, edixit, se parum de educatione scholastica Seminarii lancia- nensis confidere; ideoque, nisi aliter S. C. C. iudicaverit, se semper obsistere, ne suae dioeceseos clerici ibi educentur.

Disceptatio Synoptica.

QUAE FAVENT PETITIONI. Conditio quam theatinus Prae- sul duobus alumnis praescribit gravis absque dubio vide-