F E R R A R I E N . 803

Dubia

I. An P. Guardiano Minorum Observantium Conven- tus s. Spiritus competeret Jus associandi ad commune coe- meterium cadaver defunctae Sabinae Mazza in casu?

Et quatenus negative : II. An et quaenam emolumenta Parocho Ecclesiae Ca-

thedralis restituere teneatur in casu? RESOLUTIO. S. Congregatio Episc, et Regul. re perpensa

sub die 10 mensis martii 1893 proposita dubia demittere censuit sequenti responso :

Attentis consuetudine et constitutionibus synodalibus Ad l u m negative et restituenda esse parocho omnia emo-

lumenta percepta in associatione ab Ecclesia ad coemete- rium; et pro quarta varie cerae funeris in Ecclesia, Regu- lari peracti.

Ad 2 u m affirmative pro omnibus emolumentis. Ex QUIBUS COLLIGES. I. In funerum materia magno in

pretio habendas esse leges synodales et consuetudines loco- rum peculiares, quae vim legis obtinent, dummodo rite in- troductae, praescriptae et probatae fuerint.

II . Defunctorum cadavera a parocho sepeliri oportere, a quo sacramenta receperunt; et parochum quoad sepulturam habere intentionem in iure fundatam.

III. Primam reviviscere iurisdictionem territorialem pa- rochorum , quando cadavera exeunt ex Ecclesiis exemptis, ob facilem uniuscuiusque rei ad sua principia regressum.

IV. Religiosis ius competere, sine Parochi interventu, processionem ordinandi et cadaver defuncti Religiosi cum stola et cruce conventuali ad coemeterium associandi, dum- modo tamen cadaver deferatur absque solemni pompa, recto tramite a familia regulari proprii conventus tantum.

V. Et ex funere defuncti Regularis argumentum duci posse, ut idem prorsus affirmetur de funere saecularis, qui apud Regulares electum sibi, vel gentilitium sepulchrum habet.

VI. Hinc omnia emolumenta, quae occasione associatio- nis ab Ecclesia ad coemeterium percepta fuerunt, utpote contra ius et indebite percepta, defuncti parocho restituenda esse una cum quarta parte cerae funeris in Ecclesia Regulari peracti.