Vicen. 5o3

Animadversiones. Concilium Tr id . (sess. j , cap. i de

Reform.) inhaerendo Constitutionibus veterum Conciliorum et

signanter Lateranensis III et IV statuit, ut in qualibet eccle-

sia cathedrali vel collegiata existenti in aliquo loco insigni,

etsi nullius dioecesis, sacrae Scripturae lectio non deesset,

« ne coelestis ille sacrorum librorum thesaurus, quem Spi-

ritus Sanctus summa liberalitate hominibus tradidit, negle-

ctus iaceat ». Iussit insuper ut in quolibet Capitulo uni ex

praebendis canonicalibus onus legendi sacram Scripturam

imponeretur : « In illis ecclesi is , in quibus praebenda aut

praestimonium seu aliud quovis nomine nuncupatum stipen-

dium pro lectoribus sacrae theologiae deputatum reperitur,

Episcopi, Archiepiscopi , Primates et alii locorum Ordinarii

eos, qui praebendam aut praestimonium seu stipendium hu-

iusmodi obtinent, ad ipsius sacrae Scripturae expositionem

et interpretationem cogant et compellant ». Quare ne sa-

crae Scripturae lectio praetermittatur, iussu adstringit omnes

locorum Ordinarios, ut ubi nulla praebenda ad hunc finem

deputata reperitur, designetur « praebenda quomodocumque,

praeterquam ex causa resignationis, primo vacatura ». Et

demum addit quod « ubi nulla, vel non sufficiens praebenda

foret, Metropolitanus vel Episcopus ipse per assignationem

fructuum alicuius simplicis beneficii,.... vel per contributionem

beneficiatorum suae civitatis et dioecesis, vel alias, prout com-

modius fieri poterit , de Capituli consilio ita provideat , ut

ipsa sacrae Scripturae lectio habeatur ».

Hinc officium canonici theologi aliud non est quam le-

gere sacram Scripturam, ut clerus et populus in divinis elo-

quiis publice instruatur: etenim ille coelestis thesaurus homi-

nibus omnibus, non tantum clericis datus est a Spiritu Sancto.

Unde canonicus, theologus suo muneri non videtur satisfacere

per lectiones, quae privatim traduntur Seminarii alumnis. Quin

imo idem Concilium Trid . non solum respexit ad cleri et

populi instructionem, sed etiam locum pro s. Scripturae le