EX S. G. INQUISITIONIS 507

iam mentem suam circa a b u s u m , de quo agitur, aperuisset, anno 1830 « ad removenda dubia et animi perplexitates quae oriri possunt in casibus particularibus », instructionem exaran- dam censuit, qua in re tanti momenti habendam esse voluit magnam rationem tum civilis legis opii commercium vetantis, tum gravissimorum malorum, quae eos opii abusu in illis regio- nibus dimanare consueverunt.

Quam instructionem anno 1848 Vicariis Apostolicis Yunna- nensi ac Malacensi transmittendam decrevit, addens , attento damno generali, omnem curam adhibendam esse ad opii usum extirpandum. Ubi vocabulum usus, ut quisque facile intelligit, proprie abusum significare dicendum es t Non enim de eo usu agebatur, ad quem opium a natura comparatum est, sed de eo, qui inter Sinenses obtinet, quique in eo est situs, ut opium den- tibus mandant, vel alcoo cis potionibus immixtum ebibant, vel fumo hauriant.

4. Idcirco Suprema haec Congregatio anno 1852 declaravit quidem generatim illicitum commercium et usum opii, sed prout exponebatur, iussitque Vicarios Apostolicos, ut omnem curam adhiberent ad usum et commercium illud radicitus evellendum. Neque ab hoc decreto recedere censuit anno 1858, quamquam a Vicariis Apostolicis Xensiensi e tHunnanensi relatum fuisset, civilem legem, opium vetantem, non amplius existere.

5. Neque ab hac prohibitione recessisse putanda es t , licet nonnullis secus visum fuerit, anno 1878. Nam ob peculiares et omnino extraordinarias circumstantias, quae exponebantur, at- que ob suspensionem ad decennium civilis legis, opii culturam interdicentis in iis locis quae bello vastata fuerant, quorumque incolae ad extremam egestatem fuerunt adducti, Suprema Con- gregatio id dumtaxat statuit, ut sacramenta non denegarentur iis Christifidelibus, qui in provincia Keuy-Tcheou illo decem annorum spatio a civili lege permisso unice ad paupertatem levandam opium excoluissent. Et quum quaesitum fuisset, an qui ex inveterata habitudine opio valedicere nequeunt, nisi cum mortis periculo vel gravi detrimento, admitti possint (ad sacra- menta) , et an opium sumi possit per modum medicinae, quia habitudinis periculum imminet, responsum fuit : Affirmative, diligentia et cautelis tamen positis, ut opii abusus malique ef- fectus, ex huiusmodi abusu promanantes, evitentur. Huiusmodi responsione, quae exceptionem respicit, unusquisque videt mi-