EX S. C. RITUUM 507

VIGLEVANEN. Dubia varia.

R. Dnus Iosephus Precerutti, Dioeceseos Viglevanensis, cui munus incumbit redigendi quotannis kalendarium dioecesanum, de consensu Rmi Ordinarii a Sacrorum Rituum Congregatione insequentium dubiorum solutionem enixe flagitavit, nimirum:

I. In Kalendario Dioeceseos Viglevanensis non raro oc- currunt eodem die duo festa primaria, vel. duo secundaria, eiusdem ritus et classis, sed diversae dignitatis, quorum unum est mobile, alterum afflxum diei mensis; quaeritur cuinam festo in hisce casibus competat praecedentia ?

II. Quid agendum de festo Dedicationis Basilicarum SS. Pe- tri et Pauli Apost., perpetuo impedito in Kalendario Dioecesano, cum ei locus non suppetat?

III. Ex Litteris Apostolicis in forma Brevis Pii Papae VI, in Dioecesi Viglevanen, et aliis Dioecesibus Pedemontanis, die decimaquinta Ianuarii celebratur festum Translationis Reliquia- rum Sancti Mauritii Martyris, Patroni Principalis Pedemontii: sub ritu duplici primae classis cum Octava; quum vero die 22 Septembris agatur festum Sancti Mauritii et Soc. Mm., sub ritu duplici maiori, quaeritur an hoc alterum festum habendum sit tanquam primarium in casu ?

IV. In Ecclesiis Parochialibus nullam hahentibus Chori obli- gationem, et in quibus tamen decantantur Vesperae diebus fe- stivis absque Completorio, ipsae Vesperae in festo Purificationis B. Mariae Virginis concludendae sunt cum Antiphona : Alma Redemptoris Mater, vel cum altera: Ave, Regina Coelorum ?

V. An servari possit immemorabilis consuetudo, qua in Of- ficiis Defunctorum, quae peraguntur infra annum cum aliqua solemnitate, praesertim diebus obitus et Anniversariis, semper decantetur primum Nocturum cum Laudibus recitatis, non omisso cantu Invitatorii: Venite exultemus?

Sacra autem Rituum Congregatio, ad relationem subscripti Secretarii, exquisita Commissionis Liturgicae sententia, reque mature perpensa, respondendum censuit:

Ad I. Ex duobus festis primarius aut secundarais eiusdem ritus et classis, praecedentia competit digniori: in paritate vero dignitatis competit festo, diei mensis affixo.

Ad II. Festum de quo agitur, ex communi lege ad instar simplicis perpetuo redigendum foret ; verum de speciali gratia,