453. De sancto Theoponrpo.

1. Sacra sanctorum veneranda festa
Laudibus dignis recolendo, bella
Martyrum Christi resonemus, eja,
Orgia grata.

2. Namque flammoso clibano retrusus
Rore coelesti, Theopompe, tutus
Prosilis sospes, sacer excolende,
Praesule Christo.

3. Hinc tuis valvas meritisque puris
Aulicas celsi pietas recludit,
Caesaris gliscens stolidamque stulti
Arguis iram.

4. Hinc bis un denis penitus diebus
Carceris septo pie detineris,
Impiger, fortis Domini, triumphans
Abstemiusque,

5. Redditus fosso veniens ocello
Dira depascis socii futuri,
Coelica fretus pietate perstas
Insuperatus.

G. Ventre mox mole silicis repulsa
Reste submerso cerebroque trunca
Corporis laesus remanens nec ulla
Parte, benigne.

7. Tu quoque prudens sciolus flagrante:
Jussa coelestis retinens tonantis,
Terrea spernis, cupiens superna,
Alme Senesi.

8. Namque defosso lnteo minacis
Jussus emergi furia tyranni,
Victor insignis moriendo vincis,
Aethera scandis.

9. Fluctibus cosmi lubricis subactis,
Angue protrito braviisque captis
Laeta cum Christo pariter beati
Regna tenetis.

10. Ergo, felices, veniam reatus

Sedulis detis precibus, precamur,
Vernulis semper miserisque, patres,
Ferte levamen.

11. Laudibus cives resonent superni
Te, Deus simplex pariterque trine,
Supplices et nos veniam precamur,
Parce redemptis.