510 EX S. G. DE PROPAGANDA FIDE

tissimi ac Reverendissimi Patres super relato dubio sequens de- dere responsum, a Sanctissimo Domino Nostro Leone PP. XIII deinde confirmatum, videlicet: Iuxta noviter habitas informatio- nes teneri. Quam quidem sententiam, cui in posterum singu- li cuiuslibet missionis presbyteri, sive Europaei sive Indigenae, fideliter adhaerere debebunt, dum Amplitudini Tuae communico, hac praeterea occasione utor, qua Tibi significem iuramentum de quo supra, cum semel penes quemlibet alicuius missionis Praesulem fuerit praestitum, semper in posterum fore in suo robore permansurum ; adeo ut necessarium non sit ut renovetur, si Missionarius ad aliam transeat missionem, alteriusque Supe- rioris fiat subditus : cui tamen testimonium de eodem iuramento praestito exhibere debebit.

Interea Deum precor, ut te diutissime sospitet.

Datum Romae ex aedibus Propagandae Fidei die 21 iunii 1895.

Amplitudinis Tuae addictissimus Servus

M. CARD. M. LEDOCHOWSKI Praefectus.

L & S. A. ARCHIEP. LARISSEN. Secretarius.

Quoad huiusmodi iuramentum animadvertere placet:

I. Ex decreto supra relato ad praestanda iuramenta teneri omnes Missionarios, tum Europaeos, tum Indígenas.

II. Ex responsione S. Congregationis Romanae et Univer- salis Inquisitionis ad Vicarium Apostolicum Tunquini Orienta- lis, Rmum P. Fr. Iosephum Terres Ord. Praed. sub die 19 iu- lii 1889 directa, Sacerdotes Europaeos, cappellanos militares Gal- lici exercitus, ad iuramentum non teneri, cum munus exercent cappellani militaris; teneri vero, cum aliquod munus Missiona- rii obeunt.

III. Ex decreto ut supra relato, Missionarios, qui semel iu- ramentum praestiterunt, non teneri iuramentum reiterare, quan- do transeunt de una Missione ad aliam; teneri vero ad ex- hibitionem testimonii de iuramento iam praestito. Quae quidem doctrina, a Benedicto X I V data pro illis Missionariis, qui iuramen- tum in Europa ex permissione S. Sedis praestiterant, decreto S. C. de Propaganda 11 februarii 1747 ab ipsa Congregatione exten- sa fuit ad Missionarios de una Missione ad aliam transeuntes