512

Modificationes ad Litteras Apostolicas pro concessione

dispensationum matrimonialium.

In Litteris Apostolicis, quibus a Dataria Apostolica conce- duntur dispensationes matrimoniales:

I. Omittantur abhinc sequentes clausulae: a) Si veniam a te petierit humiliter; b) Recepto prius ab eo iuramento, quod, non sub spe facilius habendi dispensationem huiusmodi, incestum vel adulterium huiusmodi commiserint, quodque talia numquam deinceps committant, neque committentibus praesta- bunt auxilium vel favorem; e) Peractis ab iis duabus sacra- mentalibus confessionibus.

II. In iisdem litteris tollantur sequentia verba : Volumus quod si tu aliquid muneris vel praemii exigere aut oblatum recipere praesumpseris, absolutio aut dispensatio nullius sit ro- boris aut momenti ; et dicatur vetito omnino ne aliquid muneris aut praemii exigere, aut oblatum recipere praesumpseris.

III. Tollatur clausula: Dummodo in praefata separatione permanserit, et dicatur eius vice : Remoto, quatenus adsit, scan- dalo, praesertim per separationem, tempore tibi beneviso, si fieri potest.

IV. Clausulae : Si preces veritate niti repereris, substituatur haec alia: Si vera sint exposita.

V. Ubi dicitur: Absolvas sive per te sive per alium in forma Ecclesiae consueta, dicatur : Hac vice tantum per te sive per alium absolvas.

Die 28 Augusti 1895.

R. Card. MONACO

EX S. CONGR. S. R. U. INQUISITIONIS