Litterae Apostolicae 515

«Itaque cum mali gravitas huiusmodi remedium differri

non sinat, Nos, exquisito antea V V . F F . N N . S. R. E. Car-

dinalium et nonnullorum etiam Dilectorum Filiorum Romanae

Curiae Antistitum consilio, motu proprio, certa scientia, deque

Apostolicae Nostrae potestatis plenitudine Conventionem exe-

quuturi, hisce Litteris decernimus suppressionem et abolitionem

ecclesiasticae iurisdictionis territoriorum ad praedictos Ordines

Militares spectantium una cum omnibus indultis, privilegiis

et facultatibus, etiam in Apostolicis Litteris contentis et spe-

ciali mentione designandis, eaque de facto e medio tollimus,

extinguimus, cassamus ac delemus, et suppressa penitus et

abolita ab omnibus habenda esse mandamus.

« Eadem vero Apostolica auctoritate omnia et singula

praedictorum Militarium Ordinum territoria et loca ad eadem

quoquo modo spectantia iuxta articulum 9 commemoratae

Conventionis proximis dioecesibus iungimus, aggregamus et

incorporamus: videlicet territoria aut loca ad ipsa spectantia,

quae alicuius dioecesis limitibus undique includuntur eidem

dioecesi aggregamus et incorporamus. Quae vero uni vel plu-

ribus dioecesibus finitima sunt, priore in casu proximae dioe-

cesi aggregamus et incorporamus, sive de territoriis agatur,

sive de seiunctis locis ad illa spectantibus ; altero in casu illi

dioecesi aggregamus et incorporamus, cuius ecclesiam cathe-

dralem propiorem habent. Singulas propterea civitates, oppida,

pagos, qui in praedictis territoriis existunt, eorumque incolas

et quasvis ecclesias, sive collegiatis, sive parochiales et suc-

cursales, oratoria, pia quaelibet et cuiusvis nominis Instituta,

beneficia ecclesiastica, aut capellanías, si quae sint, nec non

monasteria sacrarum virginum ordinariae, sive a iure vel ab

Apostolica Sede specialiter delegatae iurisdictionis, regimini

et administrationi committimus et subiicimus Episcoporum pro

tempore sedentium in iis dioecesibus, quibus eadem territoria,

aut loca seiuncta ad illa spectantia vigore praesentium Litte-

rarum Apostolicarum aggregantur et incorporantur: ita ut iidem

sacrorum Antistites in iisdem territoriis omnes et singulas