514 NEAPOLITANA SEU PINNEN.

« quid tibi dicere debeo ! Âd templum die festo accedere res est « pulchru, solatium magnum! » Testis XX. « Exclamabat semper: « magnus christiani nominis Juros esse volo. Sanctus esse volo, « magnus Sanctus, atque illico Sanctus. »

Ne longius quam par sit res nostra protrahatur, breviter dicam: quum Sacro adstaret vultu mirabiliter fulgebat, pietatem quammaximam in Deiparam ostendit, aegritudinis incommoda ob pietatis opera iugiter neglexit; in angelos devotissimus, in lectionem gestarum sanctorum, praesertim S. Aloisii Gonzagae, intentus: ad Dei amorem quotquot potuit excitavit; Deo uniri summopere concupivit.

D E HEROICA CHARITATE IN PROXIMUM. Pueros in fide erudiebat,, prout poterat" iuvabat pauperes et ipse pauper, in Xenodochio baculo defixo sub brachio sustentatus omnibus infirmis aderat, omnes ad fidem pietatemque christianam excitans, medicamenta suis manibus infirmis applicans ; suo modico cibo se privabat ut alios iuvaret, omnes dolentes recreare studebat. Testis XX haec inter cetera enarrat: « Quum Nuntius mea domo esset, au- « diens, Antonium febri fuisse correptum, contristatus est, atque « a Domino est adprecatus, ut febris ab Antonio in se transiret: « reapse Antonius liberatus est et ipse fuit febri correptus ». Testis XI. « Admirabilis fuit eius charitas in proximum: optabat, « ut omnes aeternam consequerentur salutem, atque mecum fre- « quenter inquiebat : mi domine de nostra aeterna salute cogi- « temus et res mundi despiciamus, quia omnia cessant. Pauper « quum esset, si quid haberet in sua facultate, in pauperes ero- « gabat animi dolore repetens: possidere vellem, ut pauperibus « succurrerem ». Testis VII. « Si quando Nuntius pauperi stipem « petenti nihil quod traderet haberet, dicebat: non aliud nisi hoc « habeo, et illico geneflexus Pater, Ave, et Gloria recitabat ».

A detractione abhorruit, detrahentes corripuit, iniuriosos sibi adamavit; quotidianis precibus defunctorum animis suffragatus est.

Post testimonia de virtutibus theologalibus, quae delibavi- mus, subsequuntur de more in processus Summario testimonia de virtutibus cardinalibus, quae quidem sunt praeclarissima; praesertim testimonia de eius castitate et singulari prorsus for- titudine in gravibus incommodis cruciatibusque patienter hila- riterque tolerandis sive in officina ferraría sive in Xenodochio ob ossis cariem, quae cum eius morte cessavit.