514 SYPONTINA

batae regia auctoritate fuerant. Unde antiquior haberetur et hinc praecedentiae iure pollens existeret, una sodalitas prae altera, iuxta prioritatem institutionis. Hoc criterio anno 1893 Archiepiscopus edixit, Confraternitati a Sanctis- simo Sacramento praecedentiam competere super aliam a Septem B. M. V. Doloribus dictam.

Progressu temporis, adversus Confraternitatem a San- ctissimo Sacramento, instavit Confraternitas a Puritate nun- cupata, vindicans sibi praecedentiam ob prioritatem obtenti Regii assensus, et Ordinarius quum ex documentis hoc con- stiterit, praecedentiam adiudicavit Sodalitati instanti ; at aegerrimo animo sententiam tulit sodalitas a SSmo Sacra- mento. Quare haec non obtemperans decretis Episcopi sub- ire debuit etiam Interdicti sententiam quam Archiepiscopus ediderat in contumaces; ast eadem ad S. C. C. appellatio- nem instituit.

Disceptatio Synoptica

IURA SODALITATIS A SSMO. SACRAMENTO . Advocatus, qui Sodalitatis SSmi Corporis Christi patrocinium suscepit, in primis memorat in huiusmodi quaestionibus Constitutionem Gregorii X I I I Exposcit 15 Iul. 1583, prae oculis habendam esse. Ex qua omnes inferunt auctores, primarium praece- dentiae titulum in iuris quasi possessione poni, subsidia- rium in originis antiquitate ; ita ut inter decertantes soda- litates, ea praecedat, quae praecedere consuevit ; secus vero, si de hoc non constet, praecedat antiquior.

Haec sufficerent, iuxta advocatum ad archiepiscopale de- cretum abolendum : praeterea illud se facile demonstraturum advocatus confidit, tum ex praecedentiae quasi possessione, tum ex originis antiquitate, Sodalitati SSmi Corporis Christi praecedentiam deberi.

Praecedentiae quasi possessionem, testimonio Archipres- byteri, advocatus in primis ostendit. Et siquidem adversa- ria sodalitas quatuor testes affert, qui apud Syndicum re- tulerunt, quaestionem inter duas sodalitates iam olim de