NEAPOLITANA SEU PINNEN. 515

Inde subsequebantuT non minus praeclara testimonia de donis supernaturalibus, quibus in vita Nuntius fuit ditatus; item de fama sanctitatis in vita, de eius pretioso obitu et concursu ad funus; de fama sanctitatis post obitum; dé plurimis miracu- lis post obitum eius intercessione patratis, quae a testibus firma persuasione enarrantur.

D i s c e p t a t i o s y n o p t i c a .

A NIMADVERSIONES R . P. D. F IDEI P ROMOTORIS. E X officio va- riae animadversiones ut moris est factae sunt, sed quae virtutes Servi Dei attingerent ad has facile revocantur. Animadvertit vi- delicet Promotor virtute humilitatis praeditum Servum Dei non fuisse: id ostendere curavit ex dictis testium qui referebant quasdam propositiones a Servo Dei prolatas quas Promotor tam- quam humilitati oppositas obiiciebat. Videlicet, testis II enar- ravit, se a Nuntio haec sponte scivisse: « post sacram commu- « nionem, quum gratias Deo ageret quadam interna convulsione « affici, quae quidem convulsiones in eo gignerent delicias atque « spiritus dulcedines quas ipse enarrare non posset: » haec au- tem narrasse Nuntium ore ridente. Et idem testis haec Nuntii verba retulit sibi sponte prolata: « Antoni, facta sacra commu- « nione in terram cecidi ante altare: et mihi causam sciscitanti « respondebat: Quis tibi dicere potest quae intime sentirem? » Praeterea rogatus Nuntius a teste XX cur in lecto decumbens caput stragulo occultaret reposuit: « Sine me tranquillum, namque « tali felicitate fruor, quae enarrari non potest. » Testis XXI, qui tunc sacris ordinibus initiatus erat, sic deposuit: « memini, eius « extremis vitae momentis dum ego eum de paradiso alloquebar, « mihi respondit: miror! quid scire tu potes de paradiso? Et ego « haec verba sum interpretatus, quod ipse brevi esset in para- « disum demigraturus, ut iis omnibus frueretur quae ego ei sug- « gerebam. »

Animadvertit praeterea fidei Promotor, Nuntium nostrum destitutum fuisse virtutis charitate in proximum: quod ostendere studuit ex dictis testium referentium id quod a Nuntio ipso audiverant de eius avúnculo: referunt enim testes, Nuntium enar- rasse quomodo in officina ferraría ab avúnculo aliisque fuerit habitus; videlicet, labori gravissimo se fuisse addictum quem