516 IURIUM

Quid enim tam congruum humanae fidei, quam ea servare quae

inter eos placuereì Patet ex leg. sicut 5 C. de ohlig. et act. - ibi - sicut initio libera potestas unicuique est habendi vel non ha-

bendi contractus, ita renuntiare semel constitutae obligationi,

adversario non consentiente, nemo potest. Iuris autem caesarei sanctionibus chorum agit ius canonicum, idque manifestum erum- pit praesertim ex Regula XXI iuris in 6. - ibi - Quod semel placuit, amplius displicere non potest. Cui concinit altera iuris regula : Mutare consilium quis non potest in alterius detrimen- tum. - Reg. 33. de Reg. Iuris in 6.

Idque fortius in themate in quo de contractu oneroso agi- tur . Dismembratio siquidem paroeciae s. Georgii ab Episcopo ideo executioni demandata fuit. et vicissim Ecclesia C. ab Eccle- sia Matrice avulsa fuit atque in paroeciam constituta, ea tamen conditione atque lege adiecta, ut scilicet paroeciae s. Georgii Praeposito, praeter memoratas annuas praestationes et munia exercenda, ius insuper incumberet stolam in funeribus, ad quae ante ceteros omnes sacerdotes invitari debebat , deferendi et mercedem atque candelam non secus ac ipse Ecclesiae C. Re- ctor, percipiendi.

Atque optimo sane iure id factum esse contendit. Explorati siquidem iuris esse ait, Ecclesiam novam teneri antiquam pa- rochiali exhibere competentem honorem prout habetur in Cap. Ad audientiam 3. de Eccl. aedi f. vel reparandis - ibi - « provi- dens tamen ut competens in ea honor pro facultate loci Eccle-

siae matrici servetur» Huiusmodi vero honor iuxta unanimem expositorum doctrinam vel in censu annuo consistit, arbitrio Episcopi moderando, vel in aliis iuribus ab Episcopo Ecclesiae matrici reservatis in vim decreti, quo novae paroeciae erectio constituta fuit. Hinc Fagnanus praefatum caput Ad audien- tiam 3 commentans sub. num. 10 haec tradit - ibi - «Itaque » verius videtur, excepto patronatu, et competenti honore, iura » subiectionis non deberi Ecclesiae matrici, nisi in quantum » Episcopus praedicta iura illi reservaverit in limine erectio- > nis. Quod clarius procedit hodie post Concilium Tridentinum » Cap. 4 Sess. 21. »