516 BURDIGALEN. SEU PETROCORICEN.

suasionibus importunis et continuis uno ore deponunt. Quare dicta parentum, qui coactionem fatentur, plenissime confir- mant quod coactio, dici non potest simplex consilium et ius legitimum matris, uti contendit burdigalensis vinculi de- fensor , sed vera violentia, quae nullum reddit matrimo- nium .

Sponsus ipse, pergit Orator, ante omnia confirmat gra- ves discussiones ante matrimonium locum habuisse inter ma- trem et filiam.

Notandum , innuit Patronus , hic non agi de viro qui violentiam patitur, sed de puella timida, quae e domo num- quam discesserat, et sub imperio matris imperiosae, ac pro- positi tenacis semper commorata est. Sano quidem consilio ecclesiasticum Burdigalense Tribunal testes interrogavit quo- ad indolem matris et filiae. Quid ergo deponunt ? Omnes de imperio matris, omnes de timida Ioannae Catharinae in- dole testantur.

Data ergo indole, metum incutientis, et metum passae, et cum agatur de puella in minore aetate constituta, du- bitari non potest adfuisse verum metum, qui dicitur cadere in constantem virum, notat orator.

Hisce omnibus tandem adiicit, in themate parentes qui metum incusserunt maximum habuisse interesse in matri- monio celebrando, quo in casu metus reverentialis sufficit ad rescindendum contractum. Barbosa Not. decis. lib. 6 Not. 16 n. 30. « Quod indubitanter procedit, ubi metum incutiens habeat interesse, in matrimonio celebrando. Quo interesse attento solus metus reverentialis dicitur sufficiens ad rescindendum contractum ».

Sed vero si haec non sufficerent; prosequitur advocatus, metus et coactio evidentissime demonstratur ex iis quae matrimonium subsequuta sunt.

Quum pateat ex testium depositionibus , Ioannam Ca- tharinam, quae ex vi matrimonio consenserat, suum affe- ctum alibi collocavisse et cordis motibus aliquando indui- sisse. Sed hae Catharinae aberrationes post matrimonium,