Litterae Apostolicae 519

dioecesium circumscriptionem. Verum inopinata suppressio

quatuor Militarium Ordinum Sancti Iacobi, Alcantarae, Cala-

travae, et Montesiae ab Hispanico Gubernio nuper peracta

Nos compulit ad consulendum illico catholicis territoriorum ad

eos Ordines spectantium incolis per huiusmodi suppressionem

omni ecclesiastica administratione privatis ; idque fecimus per

Apostolicas Litteras Quo gravius, hac ipsa die datas, quibus

quae conventa fuerant cum Hispaniarum Gubernio die 5 septem-

bris anni 1851 exequutioni mandavimus. Illa tamen Conven-

tione constitui praeterea placuit, eidem omnium privilegiatorum

iurisdictionum incommodo per idem remedium et eodem tem-

pore occurrendum esse ; visum enim fuit absonum alicubi sup-

primere alibi fovere quod aeque inopportunum ubique et

periculosum evaserat. Cautum idcirco fuit disertis verbis

(art. 1 1 ) : « O m n e s etiam iurisdictiones privilegiatae, cuius-

« cumque speciei sint et quomodocumque nuncupentur, penitus

« cessabunt, ea non exclusa, quae ad S. Ioannis Ierosolymi-

« tani Ordinem spectat. Subdita autem nunc iisdem iurisdi-

« ctionibus territoria propriis, seu finitimis dioecesibus adiun-

«. gentur in nova harum circumscriptione, prout articulo septimo

« statutum est, perficienda ; salvis tamen, ac in suo robore

« mansuris quae competunt :

« i. Pro-Capellano Maiori Catholicae Maiestatis Suae.

« 2. Vicario Generali Castrensi.

« 3. Quatuor Militiis S. Iacobi, Calatravae, Alcantarae,

« et Montesiae ad sensum eorum, quae nono huius Conven-

« tionis articulo praedisposita sunt (id est quoad novum ter-

« ritorium iis constituendum).

« 4. Praelatis Regularibus.

« 5. Nuntio Apostolico pro tempore circa Ecclesiam et

« Xenodochium Italorum in hac ipsa urbe (Matriti) erectum.

« Vigebunt item speciales facultates, quae Commissario

« Generali Cruciatae in rebus officium suum respicientibus

« iuxta delegationis Litteras aliasque Apostolicas concessiones

« respondent ». •