S. PAULI IN BRASILIA 517

stio proposita non est practici momenti; quia iam resoluta fuit per Romani Pontificis sanationem, neque de solis duabus for- malitatibus, de quibus in sententia Vicarii generalis decisio iu- dicialis data est, postulatur responsio, sed de omnibus omnino solemnitatibus a Benedicto XIV in const. « Cum illud » ad con- cursum requisitis. Latissime igitur patet quaestio, integrae cuius- dam constitutionis apostolicae expetitur interpretatio, neque un- quam hucusque de omnibus et singulis formalitatibus a S. C. C. facta est inquisitio, sed in casibus concretis ad dubia parti- cularia datae sunt responsiones et decisiones iudiciales.

Quare imprimis dubium a Rmo Episcopo verbis indetermi- natas propositum videtur accuratius circumscribendum, ut obie- ctum, cui danda sit responsio, melius cognoscatur neve nimium crescat dubiorum numerus, cum de quaestionibus ad examen concursus spectantibus facili negotio ingens quidam catalogus confici possit.

Hinc 1. si in dubio occurrunt illa verba « An pro forma substantiali absolute, » quaestio videtur referri ad illas formali- tates, quibus non servatis, concursus ipso iure sit nullus et ir- ritus, non tantum rescindibilis ad instantiam partis lesae vel ex officio, aut illicite celebratus propter legem prohibentem Eccle- siae. 2. Cum unice commemoretur constit. «Cum illud» non ad legem Tridentinam Sess. 24. cap. 18. De ref. aut ad Pii V. const. « In conferendis » inquisitio est extendenda. 3. Dubium exstitisse videtur de solo examine concursus, non de iis quae examini praecedunt, neque de appellationibus, quae forte exa- men sequuntur. Quare etiam in const. «Cum illud» interpre- tatio solummodo §§. 10, 11, 16, n. II, III, IV, V, est danda imo cum §§ 10 et 11 perfectiori et clariori modo repetantur a Be- nedicto XIV sanctiones Tridentinae, praesertim ad § 16 redu- citur universa controversia 4. Denique si in libello supplici ser- mo est de concursu « ad beneficia ecclesiastica, » sane restrin- genda est quaestio ad beneficia ecclesiastica in const. « Cum illud » expressa, et ad quae illa constitutio fuit legitime extensa. Quibus animadversionibus praemissis, dubium Rmi Episcopi, forte hac ratione, aliis verbis exprimi posset, ut et controversia illa particularis inter Vicarium generalem et lectorem iuris ca- nonici et quaestio plane generalis melius distinguantur.