518 Acta Apostolicae Sedis - Commentarium Officiale

Ab anno 1909 usque ad annum 1911 Sacra Congregatio Indicis septem

opera sacerdotis Turmel tribus diversis decretis, latis respective diebus

5 Iulii 1909, 7 Martii 1910 et 2 Ianuarii 1911, proscripsit ac damnavit;

auctor vero post singulas damnationes suo Archiepiscopo in scriptis abso-

lute se subiiciebat, declarans se doctrinae catholicae firmiter adhaerere.

Haud tamen exinde a sua nefaria opera cessavit, sed sub diversis iti-

dem falsis nominibus alios libros aut articulos identidem edere perrexit,

blasphemias in Deum continentes, haeresim propugnantes, ipsorumque

religionis fundamentorum eversivos, qui ei tamquam auctori, etsi ipso

pertinaciter negante, adscribebantur.

Anno demum 1929, cum ex peracta inquisitione sufficientia collecta

essent argumenta ad sacerdotem Turmel plurium horum operum sub

diversis nominibus editorum tamquam verum auctorem designandum,

ab Emo Cardinali Charost, Archiepiscopo Rhedonensi, de mandato Su-

premae Sacrae Congregationis S. Officii, regularis instructus est processus,

in quo sacerdos Turmel, constitutis subiectus diebus 10, 20, 21, 23 Decem-

bris 1929 et 10 Ianuarii 1930, et non obstantibus suis firmis, iteratis, immo

et iuratis negationibus, de reitate convictus, poena suspensionis a divinis

mulctatus est sententia die 23 Ianuarii 1930 lata et in fasciculo Semaine

Religieuse du Diocèse de Rennes diei 25 Ianuarii 1930 edita.

Paulo antequam ei suspensio a divinis intimaretur, infelix hic sacer-

dos suam reitatem fortiter negare pergens, Emo Archiepiscopo decla-

ravit se libenter esse paratum professionem emittere fidei catholicae;

paucis tamen diebus post, iam a divinis suspensus, ad editorem Bieder

manuscriptum misit alterius voluminis operis Catéchisme pour adultes

in eum finem evidenter conscripti religionem christianam oppugnandi

et atheismum propagandi.

Cum tandem se manifeste detectum perspexisset, duabus epistulis

diebus 25 Martii et 1 Aprilis currentis anni ad Emum Cardinalem Charost

datis, sacerdos Turmel confessus est se plurimos articulos et quatuorde-

cim opera edidisse sub sequentibus quatuordecim falsis nominibus: « Louis

Coulange, Henri Delafosse, Armand. Dulac, Antoine Dupin, Hippolyte

Gallerand, Guillaume Herzog, André Lagard, Robert Lawson, Denys

Lenain, Paul Letourneur, Goulven Lézurec, Alphonse Michel, Edmond

Perrin, Alexis Vanbeck ».

Ut facile est intelligere, ex tot libris et articulis sub diversis nominibus

prodeuntibus, haeresim ac impietatem propugnantibus, legitima orta est

suspicio ne in Gallia totidem adessent sacerdotes qui fidei catholicae ad-

versaretur; quod quidem clero Gallico gravem profecto et manifestam

iniuriam inurebat.