520 Litterae Apostolicae

Nos itaque spiritui et proposito Conventionis inhaerentes,

in qua malum quotidie invalescens a tota Natione simul et

eodem tempore amoliendum visum est, cum coacti fuerimus

omnem a remedio dilationem submovere quoad quatuor Mili-

tares Ordines, opportunum omnino censemus esse, idem simul

adhibere remedium ceteris quoque partibus Hispaniarum eodem

incommodo laborantibus.

Quocirca, exquisito antea V V . F F . N N . S. R. E. Cardi-

nalium et nonnullorum etiam Dilectorum Filiorum Romanae

Curiae Antistitum consilio, motu proprio, certa scientia, deque

Apostolicae Nostrae potestatis plenitudine hisce Litteris decer-

nimus et exequutioni mandamus pactam iam et conventam

suppressionem et abolitionem universarum iurisdictionum pri-

vilegiatarum cuiuscumque speciei sint et quomodocumque

appellentur, iis non exclusis, quae vel ad S. Ioannis Ieroso-

lymitani Ordinem spectant, vel ad quodcumque cuiuslibet no-

minis et instituti Monasterium Monialium, licet extraordinariis

et specialissimis privilegiis ab Apostolica Sede donatum, vel

ad inferiores Praelatos saeculares huic S. Sedi immediate

subiectos, sive ex iis sint, qui cum propria ecclesia clericisque

eius et administris, quibus praesunt, exempti sunt ab Episcopi

iurisdictione, sive ex iis qui exemptam exercent iurisdictionem

in Clerum et populum civitatis aut loci alicuius dioecesis am-

bitu conclusi, sive demum ex iis, qui in proprio et seiuncto

territorio Ordinaria iurisdictione potiuntur et Praelati Nullius

proprie nuncupantur, cum omnibus indultis, privilegiis et facul-

tatibus, etiam in Apostolicis Litteris contentis et speciali men-

tione designandis ; eaque de facto e medio tollimus, extingui-

mus, cassamus ac delemus, et suppressa penitus et abolita

ab omnibus habenda esse decernimus: excepta et in suo robore

manente dumtaxat privilegiata eorum iurisdictione, qui nomi-

natim designati fuerunt in i i ° Conventionis articulo mox

relato.

« Quapropter eadem Nostra Apostolica auctoritate omnia

et singula praedicta privilegiata territoria, iuxta articulum i i