518 De iure consecrandi altaria et ecclesias titulares

VOTUM I U R I S P E R I T I . E X iure consecratio Altaris fit ab

Episcopo Ordinario loci, in quo illae Ecclesiae sitae sunt ; illi

enim tales ecclesiae, quoad omnia in spiritualibus sunt subie-

ctae, ut edocet cap. 7, de religiös, domib. ; idemque suppo-

nitur cap. i eod. tit. Quam caeremoniam Episcopus vel per

se complet, vel ad eam peragendam deputat alium Episco-

pum. Quam regulam valere pro Ecclesiis quoque Regularium

et exemptorum Ordinum, nisi habeant speciale indultum, quod

a Sede Apostolica raro conceditur, Bened. XIV, de Synod,

lib. / j , cap. / 5 , n. 4; aut nisi forte Ecclesiae illae sint nul-

lius dioecesis quo in casu poterit Ecclesia a quolibet Epi-

scopo consecrari si ab Abbate vocetur. Card. Petra, Tom. IV,

ad Constit. VI, Urbanus IV, n. 48. Idque ex eo provenit

quia talis Abbas dicitur Ordinarius territorialis ac semi-epi-

scopus in eo territorio abstracto a quacumque alia Dioecesi

Proinde haec ultima exceptio redit in regulam generalem

quae praescribit Ecclesias et altaria consecrari debere a Dioe-

cesano loci. Tridentinum, Sess. VI, cap. 5 hanc confirmat

regulam indirecte sed concludenter nulli Episcopo liceat,

miusvis privilegii praetextu pontificalia in alterius Dioecesi

exercere, nisi de Ordinarii loci expressa licentia. Gallemart

autumat sub hac prohibitione comprehendi etiam s. r. Eccle-

siae Cardinales, et ideo nullum habetur dignitatis privilegium.

Ergo ut in casu hoc concludi posset consecrationem Eccle-

siae vel altaris spectare ad Titularem, evincendum quoque

esset, illum in suo Titulo esse Praelatum cum territorio abs-

tracto a quacumque alia Dioecesi, et frui iurisdictione quasi

episcopali. Sed quidquid sit de anteactis temporibus, in prae-

sentiarum utrumque falsum est. Narratur quidem Cardinales

habuisse olim territorium separatum cum clero et populo eis

subiecto ; nunc vero huiusmodi territorium deest, et iurisdictio

ab eo deducta cessavit.

Deinde etsi Sixtus V in Constit. Religiosa edita idibus

aprilis 1589, edixerit iurisdictionem quasi episcopalem Cardi-

nalibus competere in suis titulis ; tamen eorum iurisdictio