De iure consecrandi altaria et ecclesias titulares 519

quasi episcopalis sublata est per Constitutionem Innocentii XII

Romanus Pontifex. Ex ea deducitur quamlibet cessasse iuris-

dictionem in populo, et quoad clerum Titularis videt tantum,

sine iudicii strepitu, quidquid delinquunt Canonici et Clerici

in servitio chori et Loci pii; quoad alios autem excessus non

videt. Quae iurisdictio omnino dici nequit quasi-episcopalis.

Proinde iure Pitonius, de Controv. Patron., allegat. 41, n. 31

et seqq. quoad citatam constitutionem scripsit : « quae quidem

« Constitutio silere facit hanc quaestionem super iurisdictione

« Episcopali per Cardinales Titulares praetensa, eo ipso quod

« eorum facultatem restringit ad ea, quae respiciat servitium

« Ecclesiae, cum taxativa dumtaxat quae omnem aliam iuris-

« dictionis speciem excludit ».

Concluditur ergo : ex quo Cardinales territorium non

habent separatum, nec exercent iurisdictionem quasi episco-

palem, considerari nequeunt ut Dioecesani vel quasi Dioece-

sani, ad quos pertinet consecrare Ecclesias, vel alios Episco-

pos ad id deputare.

Ex altera vero parte Ecclesiae illae sunt in territorio, seu

solo, ubi Ordinarius est, nomine Pontificis, Cardinalis Urbis

Vicarius, qui demandatam habet exercendam non modo pote-

statem iurisdictionis, verum etiam ordinis. Applicando proinde

regulam canonicam, ad ipsum pertinet Ecclesiarum et alta-

rium consecratio.

Quae addicta fuerunt pro Emo Titulari.

VOTUM P R A E F E C T I C A E R E M O N I A R U M APOSTOLICARUM . Expli-

cite professus est hic altaris consecrationem in ecclesiis titu-

laribus ad ipsum Emum Titularem spectare, sic ratiocinium

instituens: usus Pontificalium pertinet ad potestatem iurisdi-

ctionis. Ast potestas iurisdictionis in Ecclesia titulari pertinet

ad Emum Titularem : ergo usus Pontificalium in ecclesia titu-

lari solius est Cardinalis Titularis. Ast Ecclesiae et altaria

consecrari nequeunt absque usu Pontificalium : ergo altarium