S. PAULI IN BRASILIA 519

Quare dirimenda restat controversia mere theoretica et ge- neralis. At vix negari poterit, dubitationes quasdam non leves existere, ob quas forte a directa et definitiva responsione absti- nendum sit. Quibus dubitationibus consulitur per formam re- sponsionis practicae. At revera huiusmodi magistralis interpre- tationis nulla existit practica necessitas, atque difficultas ex pu- blicata «appendice» orta aliis iuris remediis potest tolli. Insuper exempla non desunt, quibus comprobetur per interpretationes authenticas virorum doctorum controversias fuisse definitas, si generales fuerunt, et practica extitit utilitas, ut patet ex modo agendi Bonifacii VIII in Seœt. cf. Leuren. L cit. pag. 183, sed propter altercationem quandam litera riam inter simplicem lecto- rem iuris canonici et ex-Vicarium generalem non illico videtur interponenda auctoritas S. C. C, secus hac spe illecti forte non pauci viri docti existèrent, qui suas controversias canonicas per benevolum Episcopum Romae proponerent decidendas cum non levi incommodo atque exigua utilitate. Denique optimo consilio scribit Santi, Praelectiones iur. can. I. L t. 31, n. 49. «Anim- advertimus autem frequentes non esse resolutiones Sacrae Congregationis Concili in forma generica et abstracta, imo hodie ordinariam praxim eiusdem esse, ut quaestiones peculiares re- solvat et particularibus casibus ius constitutum applicet. For- mula enim solita est: an constet de valore matrimonii in casu...» Iam vero in favorem dubii a Rmo Episcopo propositi solida ra- tio non videtur posse allegari, cur ab « ordinaria praxi » S. C. C. recedatur, atque non tantum de una quaestione « in forma generica et abstracta » detur responsum, et una controversia dirimatur, sed integrae cuiusdam constitutionis apostolicae, cum quamplurimis partibus, de quibus nondum generalis inquisitio a S. C. C. huc usque facta est, concedatur interpretatio authen- tica et generalis. Insuper in hac materia non una existit con- troversia, sed complures existunt quaestiones controversae et agitatae inter viros doctos, Cf. Act. S. Sed. vol. VII. p. 350 contra Reelusium; Passerin. De elect. cap. 29 et 30; Leuren. Z. c. p. I q. 189; Benedict. XIV, De synod, dioec. lib. IV. cap. 7 n. 6, quae non ita per modum unius videntur resolvendam Tandem omnes illae formalitates vix videntur ubique adeo ad amussim observari, ut forte propter responsum nimis generale et rigidum dubia possint oriri de valore collationum ecclesia- rum parochialium, quae melius vitarentur.